Ngjarje e rëndë në Tetovë, 17 vjeçarja godet për vdekje bashkëmoshatarin e saj dhe ia hedh trupin në lumë

Një ngjarje e rëndë ka ndodhur në Tetovë, ku trupi i një djali 16 vjeçar është gjetur i pajetë në lumin. Për këtë rast, është arrestuar një vajzë 17 vjeçare e cila akuzohet se ka shkaktuar vdekjen e tij pasi e goditi me një send të mprehtë në kokë.

Gjithçka ka ndodhur pas një konflikti verbal mes dy të miturve pranë makinës që 16 vjeçari e drejtonte. Autorja, emri i së cilës nuk bëhet ende i ditur do të qëndrojë 30 ditë në paraburgim deri në zbardhjen e plotë të rrethanave të ngjarjes.

“Prokuroria Themelore Publike Tetovë në gjykatën kompetente ka dorëzuar kërkesë për fillimin e procedurës paraprake kundër personit që dyshohet se ka kryer veprën penale të vrasjes nga neni 123 paragrafi 1 i KP-së. E dyshuara, një vajzë 17-vjeçare, me dashje i ka marrë jetën një fëmije 16-vjeçar. Pas një debati verbal në një makinë në afërsi të qytetit të Banjicës, ajo e ka goditur vazhdimisht viktimën me një objekt të mprehtë në kokë, duke i shkaktuar lëndime të rënda, të rrezikshme për jetën. Më pas ajo e shtyu në lumin Pena dhe personi u gjet i vdekur në drejtim të rrymës. Prokurori publik kompetent ka dorëzuar propozim në Gjykatë për caktimin e masës së paraburgimit”, thuhet në njoftimin e prokurorisë së Tetovës. 

LEXO EDHE:
Kosova e Albin Kurtit, jo si një produkt i Perëndimit, por si Republika Islamike e Iranit

Pas hetimeve të para nga organi i akuzës thonë se vrasja ka ndodhur pas një zënke verbal mes dy personave dhe më pas vajza ka goditur për vdekje 16 vjeçarin dhe më pas trupin e tij e ka hedhur në lum.

“E dyshuara, vajza 17 vjeçe me paramendim ka privuar nga jeta një 16 vjeçar. Pas përplasjes verbale në veturë tek vendi i quajtur “Banja”, ajo me një mjet të fortë ka goditur të dëmtuarin duke i shkaktuar lëndime të rënda trupore të rrezikshme për jetë. Më pas e ka hedhur në lumin Shkumbin, ndërsa trupi i pajetë është gjetur në rrjedhën e lumit. Prokurori publik deri tek gjykata ka dorëzuar caktimin e masës së paraburgimit”, njoftojnë nga Prokuroria Themelore, Tetovë.

Zëdhënësi i policisë, Fatmir Rexhepi ka njoftuar se 17-vjeçarja e dyshuar për vrasjen e adoleshentit ka pranuar veprën penale, ndërsa është dërguar në paraburgim.

Rendit zhvillimet sipas orarit:

Të Fundit Të Parat

B.V/M.Q./Shqiptarja.com

TAG:
• Maqedoni e Veriut
• tetove