Ngjela: Mother Jones investigim
edhe për "Rama-Berisha-Meta"! 

Avokati Spartak Ngjela, ka reaguar lidhur me investigimin e revistës amerikane Mother Jones që ka ngritur hije të mëdha dyshimi për lidhjen e Lulzim Bashës me biznesmenë rusë pranë Putinit, për sa i takon lobimit të kreut të opozitës shqiptare në SHBA.

Sipas Ngjelës, reagimi i Bashës me kundërakuza ndaj revistës në fjalë se është paguar nga Edi Rama, ëhstë qesharak dhe do të shembet, pasi sipas ish-ministrit të drejtësisë revista në fjalë ka gati një investigim me fakte dërrmuese që do të çmontojë edhe treshen Rama-Meta-Berisha.

Në këtë pikë Ngjela ngre pikëpyetjen: A do ta japë Basha dorëheqjen kur të vërtetohet se revista amerikane do të nxjerrë fakte komprometuese edhe për ramin dhe liderët e tjerë politikë?

Statusi i plotë i Ngjelës në Facebook

Revista investigative Mother Jones dhe kriza në mendim e politikës së lartë shqiptare.

l.

Niveli i dobët i logjikës së Lulzim Bashës, që buron nga një i intelekt i ulët, e di gënjeshtrën shpëtim.

Kjo ndodhi edhe në rastin e revistës investiguese Mother Jones, për bashkëpunimin e tij me rusët.

Basha dhe PD na tha se revista ishte paguar nga Edi Rama; se nuk ka pasur një bashkëpunim të tyre me rusët për lobim në Uashington, dhe as për destabilizimin e Shqipërisë.

E si mund të jetë kjo një logjikë për një politikan perëndimor?

Por kjo vjen nga fakti që këta fëmijë të korruptuar e dinë gjithë Perëndimin një vjedhje të madhe.

Por kjo gënjeshtër që bëri Basha nga mëndjelehtësia mund të kthehet realisht në një bumerang kundër tij.

Po si mund t' i kthehet Bashës gënjeshtra në një bumerang?

ll.

Ajo që nuk kupton dot Saliu dhe PD është arsyeja e qartë që pyet:

Po çfarë rëndësi ka që gënjen Lulzim Basha dhe PD në lidhje me investigimin apo hetimin e revistës Mother Jones?

Basha mendon se gënjen opinionin publik shqiptar.

Po a ka një opinion publik sot në Shqipëri?

Jo. Në Shqipëri nuk ka fare sot opinion publik.

Atëherë, pse gënjen Basha dhe PD?

Nga mendimi i vobegtë që nuk prodhon dot gjykim të lartë.

Po ku është thelbi?

A, thelb i është te kjo pyetje:

Amerikanët kanë besuar Mother Jones; apo i kanë besuar Bashës dhe PD-së?

E pra, politika e lartë amerikane, pa dyshim që i ka besuar Mother Jones.

Atëherë, kë po gënjen Lulzim Basha?

Veten, në radhë ta parë; dhe pastaj edhe fansat injorantë që e mbështesin në PD, por që mund t'i ikin nga frika se liderin e tyre po e godet politika amerikane.

Po politika amerikane çfarë pritet të bëjë me këtë rast?

Politika amerikanë ua ka bërë të qartë: duhet të shkojnë një e nga një e që të gjithë në kontroll, dhe, pas kontrollit, nëse dalin të korruptuar, duhet të shkojnë në gjyq me akuzë penale.

Ky është thelbi i mendimit politik amerikan në këtë kohë.

lll.

Në funksion të kësaj logjike, konkludohet se edhe bashkimi i të treve Berisha, Ramë e Meta është një dështim i nisur nga vetë ata.

Që të mundësh politikën amerikane në Shqipëri sot, nuk hyn në punë fare gënjeshtra, sepse ajo është rast pa mbështetje.

As zvarritja e vetingut nuk ka vlerë si mendim politik shpëtimtar për treshen apo katërshen shqiptare.

Por, më në rrezik këta do jenë atëherë kur Mother Jones të botojë investigimin e këtyre të treve, që besoj se do shpallet shpejt.

Po, shikoni sesi Bashën do ta bëjë qesharak gënjeshtra e tij:

Po sikur Mother Jones nesër e të nxjerrë faktet kundër Ramës dhe abuzimit të tij, a do ta japë dorëheqjen Basha?

Ja, e shihni se sa nivel të dobët intelektiv ka Partia Demokratike në gjykimin e saj politik?

Por edhe Basha gjithashtu.

Po këtu ka edhe një tjetër pyetje?

A do ta bëjnë amerikanët këtë lojë politike?

Kjo do të varet nga Rama.

Por, shenjat janë që investiguesit do të godasin edhe Metën edhe Ramën.

Po Saliun?

Kot ta zgjasim.

Që të shpëtojnë shqiptarët nga kjo bandë treshe apo katëshe, duhet që politika e lartë amerikanë të fillojë goditjen, njëlloj si me rastin e Adriatik Llallës, kundër Ramës, Berishës dhe Metës, me metodën e revistës instigative Mother Jones.

Dhe mendoj se do ta fillojë; sepse këta po bllokojnë Reformën në Drejtësi

s.k/Shqiptarja.com

TAG:
• lobimi
• lobimi rus per pd