Ngjela: Tetë milionë shqiptarë në Ballkan me politikën amerikane, Franca besoi përrallat serbe

Cilën politikë përkrahu akti francez me votën kundër Shqipërisë për çeljen e negociatave të saj me Bashkimin Evropian?

Gjithçka, me votë kundër Shqipërisë, Franca e bëri që shqiptarët të mbeten të vetëm dhe të orientohen nga Lindja. Kurse politika amerikane e do Shqipërinë në BE.

l. Asnjëherë serbët nuk janë njohur për brilancë mendjesh politike.

Presidenti francez, si përherë edhe kësaj radhe, besoi në përrallat serbe dhe ia dha mundësinë Serbisë dhe Rusisë për të qenë kundër Amerikës në Ballkanin Perëndimor. Kurse Uashingtoni u ndie i fyer: ai po kërkon me ngulm që Shqipëria dhe Maqedonia e Veriut të jenë anëtare të Bashkimit Evropian.

Ky duhet të ketë qenë shkaku kryesor, sepse, për afrimin e jashtëzakonshëm që po ka politika amerikane me Shqipërinë, Franca, Spanja dhe Holanda ndihen shumë keq. Një botë shqiptare në Ballkanin Perëndimor, 97 përqind proamerikane, i shqetëson këto vende për të ardhmen e afërt: asnjë francez nacionalist i vjetër nuk e pranon dot fuqinë amerikane në shkencë, në ligj dhe në ide. Kurse, në aleancë me Shqipërinë, të tre këta vende, e shohin Amerikën në Mesdhe.

Por, a mund ta mundin dot këta politikën amerikane në lidhje me Shqipërinë dhe botën shqiptare në Ballkanin Perëndimor? Asnjëherë!

Tetë milionë shqiptarë në Ballkanin Perëndimor, janë me politikën amerikane.Të dy shtetet shqiptarë janë me baza ushtarake amerikane. Atëherë, pse shpreson për të kundërtën politika ruse, politika serbe, dhe, tani së fundmi, edhe kjo francezja?

Të gjithë këta kuptohet se e kanë shpresën te korrupsioni i lartë shtetëror shqiptar që, në njëqind vjet, ka shitur interesin kombëtar. Por sot, korrupsioni i lartë shtetëror shqiptar është i izoluar, dhe shumë i trembur nga kërcënimi amerikan. Gjithashtu, çifti patriotik Kurti-Osmani, që do të qeverisë tani në Kosovën, ka sjellë shqetësim maksimal te të shiturit e Tiranës.

ll. E patë si u gëzua opozita jashtëparlamentare për moshapjen e negociatave për Shqipërinë? Janë fëminorë në politikë: me Beogradin do ta mundin këta politikën amerikane në Shqipëri?!

Në fakt, janë të falimentuar dhe po shkojnë drejt shpronësimit për pasuritë e paligjshme që kanë vënë duke qenë në pushtet, por janë ndërkohë edhe drejt akuzës penale, prandaj shpresojnë. Realisht, janë të trembur.

I tremburi nuk sheh dot larg këmbëve të tija. Kjo është arsyeja fëminore e gëzimit opozitar. Jeta është e shkurtër për të gjithë, por, për të tremburin, ankthi është absolut.

Të gjithë këta të gëzuar me aktin francez kundër Shqipërisë, janë të pushtuar nga ankthi i likuidimit për korrupsion.

Në fakt, për amerikanët që e kanë vëzhguar frikën e opozitës jashtëparlamentare, kjo nuk është një gjë e re, se i njohin me fakte, por këtë herë u habit edhe intelektualizmi shqiptar me ta.

Gjithsesi, kjo është gjendja. Të tremburit duan të shesin interesin kombëtar. Por tani, në një kohë proshqiptare, këtë gjë e kanë krejt të pamundur.

d.ba./Shqiptarja.com
Komento

Komente

  • Proka: 21/10/2019 21:48

    Franca eshte pro serbe dhe pro ruse kjo dihet me decenie, Ne anen tjeter kemi miqte Amerikane qe po ndihmojne haptas kombin Shqiptare por per anetaresim ne BE vendosin shtetet EU gje qe na kushton prape kohe. Jane dy drejtime me rendesi te madhe per Ne por duhet pune dhe vetem pune per te arritur cakun qe deshirojme.

    Përgjigju
  • Fatos: 21/10/2019 15:34

    Bravo avokat,,,fjala jote ne vesh te perendise.....

    Përgjigju
  • Lui: 21/10/2019 14:32

    Avokat, kur thua qe serbet nuk jane njohur ndonjehere per brilance mendjesh politike, besoj se gabohesh. Fakti qe ata kishin marre dhe kane akoma territor shqiptar e kane marre me se shumti me ane te brilances se mendjeve politike qe diten te jene aleate me shtete fituese te luftrave dhe me fuqi ne arenen boterore, te cilat jane Franca dhe Rusia, biles cuditerisht shpeshhere edhe me perandorine osmane dhe Turqine e sotme. Ne perballje ushtarake shqiptaret kane qene fitimtare kunder serbeve dhe malazezeve, por fale atyre mendjeve brilante qe ti thua nuk kane patur kurre, ate kane marre ate territor. Dhe tani jane te perkedhelurit e Europes. Kjo eshte e verteta!

    Përgjigju
  • Tralala: 21/10/2019 14:18

    Turp te jet ngjela analist qe flet kot kuturu.. flet sikur njef dashurin kur nuk u martua asnjeher.. eshte gomar qe asnj parti politike nuk e afron llomotit kot per te ngren ndonj kock..

    Përgjigju
  • Jorgo: 21/10/2019 13:48

    Ngritja e SPAK dhe BKH eshte shpetimi i Shqiperise

    Përgjigju
  • Jorgo: 21/10/2019 13:39

    Pa SPAK dhe BKH nuk behet gje duhet te kemi kujdes te mos te pengohet pa fund ngritja e ke tyre institucioneve dhe te vije nje klase e re politike per nje zhvillim ekonomik te vrulleshem

    Përgjigju