POP 5

Lajmet më të lexuara të 5 minutave të fundit

Kultura

Ngrihet Qendra Kombëtare e Librit, Alda Bardhyli: Prioritet, letërsia dhe autorët shqiptarë

Studiuesja Alda Bardhyli do të drejtojë për katër vitet e ardhshme, Qendrën Kombëtare të Librit. Për ReportTV, Bardhyli shpalos prioritetet që do të ketë, ku sipas saj, si rrallëherë vëmendja ndaj autorëve shqiptarë do të jetë e madhe. Ndërsa, buxheti vjetor që i është akorduar është vetëm 10 mln lekë

Qendra Kombëtare e Librit do të kryesohet nga Alda Bardhyli. E zgjedhur nga ministrja e Kulturës, Elva Margariti, studiuesja e quan sfidë profesionale këtë iniciativë, që ka në qendër letrat shqipe. Megjithatë, dëshira që ajo shpreh nëpërmjet platformës së saj si kryetare e qendrës, është që të ketë sa më shumë ndërgjegjësim në rritjen e leximit të letërsisë shqipe, brenda edhe jashtë vendit.

“Mendoj se të qenit në krye të një institucioni kombëtar është një sfidë e bukur profesionale, që kam besim se do të jetë e suksesshme. Unë besoj shumë në rritjen e ndërgjegjësimit të leximit, besoj që libri, letërsia, mbetet e vetmja liri me të cilën mund të shkojmë tek edukimi, tek vazhdimësia. Këto nuk mund të vijnë ndryshe, veçse nëpërmjet politikave të librit. Platforma ime ka të bëjë me librin dhe autorët shqiptarë. Në fokus të kësaj qendre do të jenë të gjitha politikat që mbrojnë autorët dhe botuesit,  në mënyrë që libri të marrë vëmendjen e duhur”.

Qendra e Librit do të nisë që të funksionojë normalisht gjatë muajit shkurt edhe vëmendja nuk do të jetë vetëm tek autorët dhe bibliotekat në Tiranë.

“Muaji shkurt do të finalizojë këtë proces që ka nisur prej disa javësh. Ekipi që do t’i bashkëngjitet do të ketë në qendër të vëmendjes, jo vetëm bibliotekat në Tiranë, por edhe ato në rrethe. Do të zhvillojmë politika zhvillimi, duke i dhënë status autorit shqiptar, por edhe do të ringjallim letërsinë e atyre autorëve, që janë pjesë e letërsisë sonë, por për të cilët nuk është folur sa duhet deri tani. Janë shumë iniciativa, të cilat me dëshirën që libri të jetë arma kryesore ku mbështetet një shoqëri, mendoj se qendra do arrijë t’i kryejë”.

Teksa na rrëfen se në qendër të ekipit që do të merren librin, do të ketë profesionistë, të botimeve dhe bibliotekave në rrethe,  shton se nuk do të mungojnë bashkëpunimet as me organizata të huaja. Ndërsa, puna e parë e Bardhylit si kryetare, nis në Qendrën Kombëtare të Librit në Francë

“Mendoj që ta bëjmë edhe sa më prezent letërsinë shqiptare jashtë vendit, duke ndihmuar përmes koperimeve me organizata të huaja, edhe më tej për të përçuar kulturën tonë shpirtërore.  Puna ime e parë do të nis më një vizitë në Qendrën Kombëtare të Librit në Francë. Ky është modeli më i mirë, ku mendoj se modeli shqiptar duhet që të mbështetet.  Është shumë e rëndësishme, që gjuha edhe kultura shqiptare të përçohet edhe në kulturat e tjera”.

Por, kur e pyesim nëse do të mundet dot që këto prioritete të realizohen me vetëm 10 mln lekë? Bardhyli shprehet se: “Është një buxhet minimal, që është një start i mirë, për të nis një punë që është në shërbim të librit edhe të trashëgimisë sonë shpirtërore”.

Qendra Kombëtare e Librit është në varësi të Ministrisë së Kulturës.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46