Ish-kryeministri i Maqedonisë Nikolla Gruevski ka marrë këtë të mërkurë statusin e azilantit politik në Hungari. Lajmi është bërë i ditur nga “Alsat Maqedonia”, e cila shkruan se kërkesa e Gruevskit është pranuar nga kabineti i kryeministrit të Hungarisë dhe se do të shqyrtohet dhe vlerësohet nga autoritetet hungareze.
Media maqedonase citon njoftimin e kabinetit të Viktor Orban, ku thuhet ndër të tjera se vlerësimi i kërkesës për azil të Nikolla Gruevskit do të shqyrtohet vetëm në aspektin juridik.
“Ish-kryeministri i Maqedonisë ka deklaruar arsyet për mundësimin e statusit të refugjatit në Hungari. Duke pasur parasysh se Gruevski ka qenë për 10 vite kryeministër dhe duke marrë në konsideratë rrethanat e sigurisë, autoritetet tona i kanë lejuar Gruevskit të dorëzojë zyrtarisht kërkesë për azil dhe e kanë dëgjuar arsyetimin e tij në zyrat e Byrosë për migrim dhe azil në Budapest. Autoritetet hungareze do ta shqyrtojnë kërkesën e Gruevskit dhe do ta vlerësojnë në përputhje me ligjet hungareze dhe ato ndërkombëtare. Ne nuk dëshirojmë të ndërhyjmë në punët e brendshme të shteteve sovrane dhe konsiderojmë se vlerësimi i kërkesës për azil për ish kryeministrin do të shqyrtohet vetëm në aspektin juridik", citon "Alsat Maqedonia" njoftimin e kabinetit të kryeministrit Orban, që shton se nuk mund të ndajnë më shumë informacion me opinionin, përpara se të përfundojë procedura për azil e ish-kryeministrit Gruevski.
Procedura për azil zbatohet në afat prej 60 ditëve, duke përfshirë edhe intervistën kokë-më-kokë me kërkuesin për azil. Koha e nevojshme për procedurat nuk është e përfshirë në afatin procedura, e megjithatë, qeveria mund të sjell vendim në afat më të shkurtër kohor, e cila zgjat deri në 15 ditë.
Ish-kryeministri i Maqedonisë, Nikolla Gruevski ka kërkuar një ditë më parë azil politik në Hungari dhe lajmin e ka bërë vetë të ditur, përmes një postimi në llogarinë e tij personale në rrjetin social "Facebook". Mbi të rëndojnë akuzat e shpërdorimit të detyrës, pasi bleu gjatë kohës që ishte në postin e kryeministrit të Maqedonisë një automjet të tipit “Mercedes” me vlerë rreth 600 mijë euro.
Lajme të tjera
-
Orban: BE të rishqyrtojë sanksionet ndaj Rusisë në mënyrë që të ulen çmimet e energjisë
15 Nëntor, 11:13 -
Vuçiç takohet me Orbanin në Budapest: Miq të sinqertë
14 Nëntor, 15:27 -
Orban si Trump: Ta bëjmë Evropën sërish të madhe
8 Nëntor, 22:06 -
Orban: Trump do ta ndërpresë mbështetjen e SHBA-së për Ukrainën
8 Nëntor, 12:57 -
Incidenti i pazakontë: Presidenti i Rumanisë zbret nga makina dhe i kthen shpinën kryeministrit hungarez (VIDEO)
7 Nëntor, 20:56 -
Edi Rama nga Budapesti: Synojmë integrimin e Shqipërisë në BE brenda kësaj dekade! Orban: Europa nuk mund të presë SHBA që ta mbrojë
7 Nëntor, 18:08 -
Orban fton Ramën të enjten në Budapest! Hungaria mbështet ngritjen e kampeve jashtë BE
4 Nëntor, 14:54 -
Orban paralajmëron: Nëse Trump fiton zgjedhjet në Amerikë, Evropa duhet të rimendojë ndihmën për Ukrainën
3 Nëntor, 16:01 -
Orban u bën thirrje hungarezëve t’i 'rezistojnë' Brukselit
23 Tetor, 21:10 -
Mero Baze: PD duhet të zgjedhë mes Orbanit dhe Ramës
12 Tetor, 20:28
-
Gazment Bardhi reagon ndaj Ramës: Hungaria s’mund të jetë model për ne, largohu një orë e më parë
12 Tetor, 19:29 -
Ylli Pata: Pse Orbani i djathtë po i hap negociatat për të majtin Edi Rama?
11 Tetor, 18:26
