POP 5

Lajmet më të lexuara të 5 minutave të fundit

Politikë

Nikolla takon Kryetaren e Senatit të Kanadasë Gagné: Aleanca strategjike Shqipëri-Kanada për mbrojtjen e paqes, kontribut për demokracinë

Vizita zyrtare e Kryetares së Kuvendit, Lindita Nikolla, në Kanada, vijoi me takimin me Kryetaren e Senatit, Raymonde Gagné. Në takim ishin të pranishëm Zëvendëskryetari Agron Gjekmarkaj, anëtari i Grupit të Miqësisë Eduard Ndreca dhe Ambasadori i Shqipërisë në Kanada, Ermal Muça

Nikolla takon Kryetaren e Senatit të Kanadasë Gagné: Aleanca strategjike Shqipëri-Kanada për mbrojtjen e paqes, kontribut për demokracinë

Raymonde Gagné dhe Lindita Nikolla

Vizita zyrtare e Kryetares së Kuvendit, Lindita Nikolla, në Kanada, vijoi me takimin me Kryetaren e Senatit, Raymonde Gagné. Në takim ishin të pranishëm Zëvendëskryetari Agron Gjekmarkaj, anëtari i Grupit të Miqësisë Eduard Ndreca dhe Ambasadori i Shqipërisë në Kanada, Ermal Muça.

Pasi vuri në dukje marrëdhëniet shumë të mira mes dy vendeve, Kryetarja Nikolla nënvizoi se “Kanadaja ka dhënë një kontribut të rëndësishëm në zhvillimin ekonomik  dhe konsolidimin e institucioneve demokratike në Shqipëri. Si një partnere e ngushtë e BE, Kanadaja ka mbështetur me vendosmëri integrimin evropian të Shqipërisë. Të dy vendet tona kanë qëndrime të njëjta ndaj sfidave të sigurisë e të paqes, të cilat burojnë e mbështeten në vlerat e përbashkëta që ndajnë popujt dhe shoqëritë tona. Në këto vlera mbështeten qëndrimet e Shqipërisë në mbështetje të luftës së Ukrainës kundër agresionit të Rusisë, mbështetja e Izraelit ndaj sulmeve terroriste të Hamasit dhe kontributi si anëtare jo e përhershme e KS të OKB-së. Si anëtare e denjë e  NATO-s, Shqipëria mbështet politikën e dyerve të hapura të kësaj organizate ndaj demokracive evropiane dhe ishte ndër vendet e para që ratifikoi protokollet e pranimit të Finlandës dhe Suedisë. Shqipëria mbështet nismën e Kanadasë kundër burgosjes arbitrare të shtetasve të shteteve të tjera.”

Për të nxitur e avancuar bashkëpunimin mes dy vendeve, Nikolla sugjeroi hapjen e Ambasadës kanadeze në Tiranë.

Në lidhje me zhvillimet në Veriun e Kosovës, Nikolla i shprehu Kryetares Gagné qëndrimin e Shqipërisë se sulmi i 24 shtatorit kundër policëve të Republikës së Kosovës ishte një akt kriminal dhe agresion i rrezikshëm  kundër sigurisë dhe stabilitetit në rajon dhe në Evropë. Prandaj komuniteti euro-atlantik  duhet të ndërhyjë për të parandaluar përshkallëzimin e situatës dhe mbrojtur sovranitetin dhe integritetin territorial të Republikës së Kosovës.
Qëndrimi i Shqipërisë në këtë çështje është në një linjë me partnerët perendimorë.

"Kryesenatorja Gagné vlerësoi progresin në integrimin evropian të Shqipërisë dhe garantoi se mbështetja e Kanadasë do të vijojë deri në pranimin e Shqipërisë në BE. Gagné vlerësoi kontributin e Shqipërisë në KS të OKB dhe si bashkëpenëmbajtëse së bashku më ShBA për çështjen e Ukrainës. Aleanca strategjike midis Kanadasë dhe Shqipërisë për mbrojtjen e paqes është edhe një kontribut për mbrojtjen e demokracisë. Kryetarja Gagné vlerësoi pjesëmarrjen e gjerë të grave në jetën politike e parlamentare, si një faktor ndryshimi dhe kontribut për një shoqëri më të mirë", njofton parlamenti në një njoftim për shtyp.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu