TIRANE - Data 6 janar ka shënuar dhe rifillimin e procesit mësimor në Universitetin e Mjekësisë dhe ne Fakultetin e Inxhinjerisë së Ndërtimit. Në këto fakultete mësimi ishte pezulluar përgjatë muajit dhjetor me vendim të Rektoratit për shkak të dëmeve që godinat kishin marrë prej tërmetit të 26 nëntorit.
Dhe me rifillimin e mësimit, ka nisur dhe zëvendësimi i orëve të humbura. Në Fakultetin e Inxhinierisë së Ndërtimit prej situatës së shkaktuar nga tërmeti është pezulluar mësimi për afër 3 javë e gjysmë. Por orët e humbura do të zëvendësohen gjatë fundjavave.
Më saktësisht, prej datës 6 janar e deri më 14 shkurt, kur përmbyllet dhe semestri i parë, do të bëhet mësim për 6 shtuna dhe një të dielë. Tre të shtuna gjatë muajit janar, tre të shtuna gjatë muajit shkurt dhe një të diel të muajit shkurt.
Zëvendësimi i orëve do të vijojë dhe gjatë semestrit të dytë, ku do të zhvillohet mësim dhe për 5 të shtuna radhazi, deri më 30 maj.
Nga pezullimi i mësimit në fakultetin e Inxhinierisë së Ndërtimit u prekën rreth 2000 studentë.
Dhe në Universitetin e Mjekësisë, fakultetet kanë bërë një plan të detajuar për zëvendësimin e orëve të humbura. Më konkretisht një pjesë e orëve do të zëvendësohen gjatë fundjavave por njëkohësisht do të zhvillohet mësimi gjatë ditëve të javës me orar të shtuar. Më këto ritme pritet që studentët të rikuperojnë orët e humbura por duke ju rikthyer normalitetit dhe ritmit të vitit.
Përsa i përket shkollave të përkohshme që janë themeluar pranë hoteleve ku janë sistemuar banorët e mbetur të pastrehë si pasojë e dëmeve të marra në banesa për shkak të tërmetit të 26 nëntori, disa prej tyre vijojnë ende të jenë funksionale. Fëmijët e familjeve që kanë marrë bonusin e qirasë dhe janë zhvendosur prej hotelit, kanë shkuar në shkollat dhe kopshtet më të afërta.
Ndërsa ka ende një numër minimal nxënësish nëpër hotele, ndaj për to vazhdon ende shkolla e përkohshme.
Lajme të tjera
-
Laboratorë të teknologjisë së lartë! Manastirliu: 500 mijë euro investime për infrastrukturën e kërkimit shkencor në Universitetin e Mjekësisë
19 Qershor, 15:02 -
Studentët e Mjekësisë kundërshtojnë afatet e reja të punës me detyrim: Qeveria na injoroi! Do ta dërgojmë në Strasburg (VIDEO)
3 Maj, 17:51 -
‘Shtëpi e Re’ për studentët e inxhinierisë dhe arkitekturës, godinat e reja të UPT me laboratorë e bibilioteka
25 Mars, 15:37 -
Punë me detyrim pas diplomimit për studentët e Mjekësisë, Kushtetuesja: Afati 5-vjeçar nuk është proporcional, Kuvendi 3 muaj kohë të ndryshojë ligjin
25 Janar, 15:27 -
SPECIALE/ Beteja e (pa)përfunduar e studentëve të Mjekësisë
2 Janar, 12:27
-
5 vite punë me detyrim ose 2300 euro viti, Gjykata Kushtetuese pezullon ligjin për studentët e Mjekësisë
14 Nëntor 2023, 14:43 -
Bojkoti i ‘Mjekësisë’ jep efektet e para, studentët i kërkojnë dekanit sezon provimesh shtesë për të kapur kredite për kalimin në vitet pasardhëse
3 Nëntor 2023, 11:06
-
Studentët e Mjekësisë rikthehen pas 4-javësh në auditore: Morëm garanci nga rektori, do na mbështesë deri daljen e vendimit të Gjykatës Kushtetuese
30 Tetor 2023, 08:40
-
‘Duam diplomat tona’, studentët e Mjekësisë sërish në protestë: Qeveria të tërhiqet nga ligji, vazhdojmë bojkotin
26 Tetor 2023, 09:11 -
Studentët e mjekësisë letër rektorit të Universitetit: Asnjë kontratë pa vendosur Kushtetuesja, pedagogët të ndalin presionin
20 Tetor 2023, 13:56 -
Punësimi i detyruar, 30 deputetë të PD në krah të studentëve të mjekësisë, çojnë ligjin në Kushtetuese
18 Tetor 2023, 14:13 -
Mjekët e rinj 5 vite punë në Shqipëri, Vokshi: Ligj diskriminues! Do e ankimojmë në 'Kushtetuese'
14 Tetor 2023, 13:42
