POP 5

Lajmet më të lexuara të 5 minutave të fundit

Ekonomi

Nis rigjallërimi i turizmit! Në mars hynë në Shqipëri mbi 170 mijë shtetas të huaj

Në muajin mars të këtij viti është regjistruar për herë të parë rritje e numrit të shtetasve të huaj që kanë hyrë në Shqipëri. Sipas INSTAT në këtë muaj në vend erdhën më shumë se 170 mijë të huaj, me një rritje prej 78,6% krahasuar me marsin e vitit 2020.

TIRANË- Pas më shumë se 1 vit në rënie, në muajin mars është rritur me 78,6% numri shtetasve të huaj që kanë hyrë në Shqipëri. Në total në vend në këtë muaj kanë hyrë 170.279 shtetas nga 95.321 qytetarë që erdhën në mars të 2020.

Përpos këtij përmirësimi në muajin e kaluar, si tremujor fluksi i turistëve është përsëri në rënie. Sipas raportit nga janari në mars në territorin tonë kanë hyrë është 513.781, duke rënë me 10,4 %, në krahasim me të njëjtën periudhë të vitit 2020.

Sipas të dhënave të INSTAT në muajin e tretë të këtij viti përveç hyrjeve nga Gjermania, Greqia dhe Anglia që ishin në rënie, lëvizjet me të gjitha shtetet e tjera ishin në rritje, ku numri më i lartë ishte nga Kosova dhe Maqedonia e Veriut.

Ndërkohë si tremujor Greqia e ka rënien 83.5% për shkak të masave kufizuese që aplikohen atje dhe më pas dhe Anglia me 70,5 %, krahasuar me të njëjtën periudhë të vitit 2020, kjo për shkak edhe të ndalimit të fluturimeve drejt këtij shteti nga Shqipëria.

Në këtë periudhë të parë të vitit më shumë qytetar kanë ardhur në rrugë tokësore, ndjekur nga ato ajrore dhe në fund nëpërmjet detit. Këto të dhëna janë edhe tregues pozitiv që rrisin edhe pritshmëritë për sezonin turistik të këtij viti. Ndikim në përmirësimin e shifrave do ketë në vijim edhe procesi i vaksinimit, pasi qeveria ka premtuar 500 mijë vaksina deri në fund të majit, që për operatorët turistik është shumë pozitive pasi e klasifikon Shqipërinë në listën e vendeve të sigurta për virusin.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

SPAK nxjerr blof Berishën asnjë dosje për Majkon në Prokurorinë e Posaçme

SPAK nxjerr blof Berishën asnjë dosje për Majkon në Prokurorinë e Posaçme

10 Janar, 13:26