Ende nuk është kërkuar falje për krimet e komunizmit edhe pse ato janë falur nga ata që i vuajtën. Kështu u shpre Presidenti i Republikës Bujar Nishani në vizitën e zhvilluar në burgun e Spaçit në 25 vjetorin e rënies së komunizmit.

Presidenti tha se duhet kumtuar për drejtësi, gjetjen e viktimave të zhdukura, hapja e dosjeve, pastrimin e shoqërisë dhe politikës nga kriminelët e dikurshëm dhe veglat e tyre si dhe dënimin e shkaktarëve të këtyre vuajtjeve dhe jo ngjalljen e tyre. 

Presidenti shtoi se duhet vijuar nisma për ta kthyer Spaçin me Muzeun e memories, vend peligrinazhi dhe pjesë e kurrikulave shkollore, kjo si një mënyrë që e keqja jo thjesht të mos harrohet, por edhe që të mos përsëritet kurrë më.

Gjatë kësaj vizite u zhvillua edhe një ceremoni dekorimi për ish-të burgosuri politik që nuk jetojnë më si, Pal Zefi, Dervish Bejko, Skender Daja, Hajri Pashaj, Mershim Vlashaj dhe Xhelal Oprenca.

Redaksia online
(S.m/shqiptarja.com)