POP 5

Lajmet më të lexuara të 5 minutave të fundit

Sociale

Psikologia vullnetare ndihmon të moshuarit e vetmuar në Lezhë: Ditë të vështira, secili të tregohet solidar (VIDEO)

Marinela Shpata është një ndër vullnetarët që i ka ardhur në ndihme të moshuarëve në Lezhë në këto ditë të vështira.

Marinela Shpata është një ndër vullnetarët që i ka ardhur në ndihme të moshuarve në Lezhë në këto ditë të vështira. Me profesion psikologe ajo prej ditësh është bërë pjesë e grupit të vullnetareve për t’i shërbyer moshës së tretë të cilët e kanë të ndaluar të dalin nga banesat e tyre. Edhe pse edhe vetë ndihet e friksuar, Marinela shprehet se të gjithë duhet të tregohemi solidarë.

Marinela ditën e nis herët dhe asiston në plotësimin e nevojave të pensionisteve të cilët e telefonojnë.

"Duke qenë se bashkia kishte nxjerrë njoftimin për vullnetarë unë aplikova dhe u njoftova. Ka vështirësi, por është shumë e rëndësishme që të tregohemi solidarë sidomos në këto kohë të vështira dhe të moshuarit duhet të ndihmohen", tha Marinela.

Thirrjes së bashkisë për të shërbyer si vullnetarë i janë përgjigjur pozitivisht dhjetëra qytetarë në Lezhë. Për shkak të lëvizjeve dhe kontakteve të shumta frika nga infektimi me Covid-19 është e madhe, por ata thonë se tregohen të kujdesshem, për të ruajtur veten dhe atyre të cilëve u shërbejnë.

"Kemi frikë por respektojmë rregullat dhe kështu e kemi më të lehtë", është shprehur ajo.

Gjithashtu pjesë e kësaj niseme humanitare është bërë edhe Klinton Pasha.

"Aplikova për vullnetar, ka vështirësi por nuk është e parealizueshme", tha Klitoni.

Nënkryetarja e Bashkisë Lezhë Oliana Moriseni thotë se vullnetarët janë të shpërndarë në të gjitha zonat.

"Bashkia Lezhë ka bërë një njoftim për vullnetarë në faqen e facebook për vullnetar, kësaj thirrje i janë përgjigjur 113 vullnetarë të cilët janë shpërndarë në të gjitha njësitë administrative", tha Oliana Moriseni nënkryetare e Bashkisë Lezhë

Në Lezhë janë 130 të moshuar të cilët jetojnë të vetmuar. Atyre ju është kërkuar që mos të dalin nga banesat e tyre dhe të telefonojnë numrat e vendosur në dispozcion për çdo nevojë që ato kanë.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Fest 63/ Zgjidhen 15 këngët finaliste! Parashqevi Simaku përshëndet nga SHBA festivalin e konkurentët: Do të doja të isha aty

Fest 63/ Zgjidhen 15 këngët finaliste! Parashqevi Simaku përshëndet nga SHBA festivalin e konkurentët: Do të doja të isha aty

22 Dhjetor, 00:42