POP 5

Lajmet më të lexuara të 5 minutave të fundit

Sociale

Një silikon prej 100 mijë dollarësh

Një 32-vjeçar ka shpenzuar rreth 100.000 $ dhe ka kryer 100 operacione plastike për të arritur qëllimin e tij, “bukurinë ideale”.
SHBA - Një 32-vjeçar ka shpenzuar rreth 100.000 $ dhe ka kryer 100 operacione plastike për të arritur qëllimin e tij, “bukurinë ideale”. Shumë gra janë përpjekur që përmes operacioneve t’i afrohen kukullës barbi, por është edhe 32-vjeçari Justin Jedlica që ka bërë rreth 100 operacione plastike, në mënyrë që t’i ngjajë kukullës Ken.


Ndër ndërhyrjet e tij plastike janë 5 operacione rinoplastike (ndërhyrje në hundë), një ndërhyrje në formën e kafkës tek balli dhe rritje të faqeve, buzëve, mjekrës dhe vitheve.


Justin Jedlica, njeriu silikon
 (Në foto Justin Jedlica)


Ndërhyrjen e parë në hundë Jedlica e ka bërë në moshën 18-vjeçare. Ai tregon me krenari që ka paguar një shumë të madhe parash për formën e kraharorit, duke treguar dhe bicepsin që e bën të duket si kukull silikoni. 32-vjeçari shprehet se operacionet plastike janë një mënyrë për ta trajtuar veten si skulpturë, apo si një vepër arti.


Justin Jedlica, njeriu silikon
(Në foto Justin Jedlica 18-vjeç, kur ka bërë ndërhyrjen e tij të parë në hundë)


Ekipi i mjekëve që ka kryer ndërhyrjet vazhdimisht ka insistuar që ai të ndalonte së bëri operacione, pasi një numër i lartë i tyre është i dëmshëm. Madje një prej doktorëve shprehet se 32-vjeçari ka qenë jashtëzakonisht me fat që deri tani nuk ka pësuar komplikacione, por me kalimin e kohës mund të ndodhë që indet e lëkurës të dëmtohen dhe trupi i tij mund të thyhet.

Por nga ana e tij Justin Jedlica shprehet se është i gatshëm të pranojë çdo rrezik, pasi mendon se çdo gjë e madhe në jetë nuk vjen pa kaluar ndonjë rrezik.
“Është njësoj si t’i kërkosh Picassos të mos pikturojë”, thotë 32-vjeçari që duket si kukulla Ken, por në versionin e gjallë.


Justin Jedlica, njeriu silikon

(Në foto Justin Jedlica, majtas si ka qenë, djathtas si është bërë pas operacioneve)

(eç/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Shkodër/ Plagosje me thikë pranë teatrit 'Migjeni'

Shkodër/ Plagosje me thikë pranë teatrit 'Migjeni'

14 Janar, 11:28