Në një kohë që nga nesër 33 mijë maturantë nisin provimet, psikologjia Renisa Beqiri duke folur për Report Tv jep disa këshilla se si nxënësit të shmangin ankthin dhe stresin gjatë kësaj periudhe.
“Siguirisht që jam e emocionuar dhe e frikësuar në një farë mënyre sepse është një provim vendimtar për të ardhmen time dhe të maturantëve të tjerë”, tha një maturante.
Të enjten, 33 mijë nxënës, i nënshtrohen provimit të parë të maturës shtetërore, asaj të gjuhës së huaj. Pavarësisht orientimet mbi pyetjet dhe përgatitjet i kanë nisur prej kohësh, ankthit dhe stresit, nuk i shmangen dot.
“Të themi që nuk jemi kemi emocione gënjejmë. Çdo kush ka emocione përpara një hapi të madh”, tregoi një tjetër.
Për psikologen, Renisa Beqiri, gjithçka ndodh nga frika e dështimit.
Beqiri në Report TV afron disa këshilla për maturantët me qëllim që ti kalojnë më lehtë shqetësimet dhe të arrijnë rezultate.
“Kur janë të preokupuar, harrojnë të hanë mirë, të flenë, të dalin shëtitje, të çlodhen. Kjo gjë i bën që të kenë ankth dhe të kenë stres të tepruar. Teknikat e frymëmarrjes duhet të përpiqen edhe gjatë kohës që mësojnë. Maturantët duhet të kujdesen shumë që mos ti lënë gjërat për në sekondë të fundit por të jenë sa më shumë sistematik”, tha psikologia, Renisa Beqiri.
Orët e fundit në klasën ku kanë kaluar tre vite, për Pamela Bacin, Eriona Meçi, e Gentiana Gjashin janë emocionuese. Do tu mungojë shoqëria, por duken entuziaste për të ardhmen
“E mërzitur në një farë mënyre sepse universiteti nuk do të jetë si gjimnazi”, tregoi një maturante.
“Taktika që kam përdorur është mbajtja e shënimeve, gjërave më kryesore”, tha një tjetër.
Angjela Prençi nxënëse ekselente e cila ndërkohë punon, direkt pas përfundimit të maturës do të largohet në Gjermani.
“Unë nuk mund të gënjej se do të studioj në Shqipëri. Do doja shumë të studioja në Shqipëri. Shpresoj të filloj inxhinieri-programimi, dua ti futem dhe botës së artit. Do doja të zgjidhja Shqipërinë, por nuk mundem sepse Shqipëria na cungon”, tha maturant, Angjela Prençi.
Provimet me 9 qershor nisin me gjuhën e huaj, duke vijuar me Gjuhë shqipe dhe Letërsinë me 11 qershor, matematikën 17 qershor, dhe 24 qershor lënda me zgjedhje. Testimi nis në orën 10 të mëngjesit dhe zgjat për 2 orë e 30 minuta.
Lajme të tjera
-
Njihuni me Perla Cingën 10-vjeçaren gjeni që flet gjuhën kineze: Po ndjek ëndrrën, synoj të bëhem shkencëtare (VIDEO)
10 Prill 2023, 20:08
-
Nisin aplikimet për universitet në portalin u-Albania! Maturantët, 6 ditë kohë për zgjedhjen e degëve të studimit! Eksperti: Të zgjedhin zanate
29 Korrik 2022, 10:43 -
Rama i pranishëm në ceremoninë e dhënies së ‘Medaljes së Artë’ për maturantët ekselentë: Mos kini frikë nga ëndrrat e mëdha! Ministrja Arsimit: Sfidë, mbajtja e të rinjve në Shqipëri
19 Nëntor 2021, 11:26 -
Sistemi arsimor në Shqipëri, pedagogia Irsa Ruçi: Të hiqet matura shtetërore dhe të studiohet tregu i punës për të rinjtë
17 Qershor 2021, 12:33 -
Medalje Ari për maturantë ekselentë të diplomuar, Kushi: Përqafoni vlerat më të mira të shoqërisë, mos u ndalni në rrugën e ëndrrës suaj
23 Prill 2021, 13:41 -
Vajza nuk mundi të blinte fustanin e maturës, vëllai ia krijon atë (FOTO)
20 Shkurt 2020, 20:08 -
Matura e vitit '98 bashkon 'ish-samistat' që nga Manastirliu, Tahiri e Margariti
9 Shkurt 2020, 16:38
