Sekretari i Përgjithshëm i Partisë Socialiste Blendi Klosi ka mbledhur sot në selinë rozë drejtuesit e qarqeve. Takimi zgjati rreth 1 orë ndërsa fokusi i diskutimeve ishte tek çështjet organizative të Partisë Socialiste për vitin 2026.

Pjesë e mbledhjes është Sekretari Organizativ Damian Gjiknuri, kryebashkiaku Benet Beci si dhe disa emra të kabinetit si Mirela Kumbaro, Taulant Balla, Adea Pirdeni, Ervin Demo, Niko Peleshi, Orgerta Manastirliu, Bledi Çuçi e të tjerë ndërsa kryeministri Edi Rama nuk është i pranishëm.

Kjo mbledhje zhvillohet një ditë përpara takimit të thirrur nga kryeministri Edi Rama me ministrat e kabinetit të tij. Ndërkohë një javë më pas, Rama do të mbledhë në Pallatin e Brigadave Grupin Parlamentar të PS në nisje të sesionit të ri parlamentar, me qëllim për të koordinuar punën në Parlament.