'Një grek më pak, një bastard më pak', reagon FSHF: Banderola nuk ka asgjë të përbashkët me fushën e blertë

Federata Shqiptare e Futbollit ka reaguar këtë të martë për incidentin e djeshëm të ndodhur gjatë ndeshjes Partizani-Skënderbeu në stadiumin “Selman Stërmasi”, ku u valëvit një banderolë raciste.

FSHF e ka cilësuar parullën e tifozëve të Partizanit me sfond racist dhe të papranueshme për fushën e blertë dhe lojën e futbollit.

Ajo parrullë që nuk ka asnjë të përbashkët me thelbin e futbollit për të bashkuar njerëzit në paqe e harmoni, nuk mund të jetë kurrësesi një element tifozerie e aq më pak të qëndrojë mbi flamurin tonë kombëtar

LEXO EDHE:
Konferenca e Sportit, Veliaj: Pallati i Sportit ‘Asllan Rusi’ dhe stadiumi ‘Selman Stërmasi’ do të ribëhen më të mëdhenj, më të fortë dhe më të bukur

Federata Shqiptare e Futbollit

Më tej, ajo ka dënuar me forcë gjuhën e përdorur në banderolë dhe ka siguruar opinionin publik se “tifozët e vërtetë nuk do të shndërrohen asnjëherë në medium konflikti dhe urrejtjeje”.

“Ritheksojmë se distancohemi qartazi nga çdo provokim dhe shprehim bindjen se ky grupim i veçuar, çarçaf i shkurtër dhe i keq orientuar nuk do të arrijë të prishë imazhin e futbollit dhe tifozerisë së vërtetë”, ka bërë me dije FSHF, duke shtuar se do të marrë të gjitha masat përkatëse që raste të tilla skenaresh të mos kalojnë pa u ndëshkuar.

TAG:
• Federata Shqiptare e Futbollit
• Stadiumi Selman Stërmasi
• banderola