POP 5

Lajmet më të lexuara të 5 minutave të fundit

Arkiva

Një grup pune do të verifikojë ndërtimin e HEC-it “Lengarica” në Përmet

  TIRANË, 30 Shtator/ATSH/- Një grup pune me përfaqësues nga ministritë e Energjisë dhe Industrisë, Mjedisit dhe Agjencia Kombëtare e Burimeve Natyrore do të ndjekë gjithë problemet që janë ngritur mbi ndërtimin e HEC-it “Lengarica”, në Përmet. Ministria e Energjisë dhe Industrisë njoftoi se bashkë me ministrinë e Mjedisit morën në konsideratë ankesat e banorëve […]
 
TIRANË, 30 Shtator/ATSH/- Një grup pune me përfaqësues nga ministritë e Energjisë dhe Industrisë, Mjedisit dhe Agjencia Kombëtare e Burimeve Natyrore do të ndjekë gjithë problemet që janë ngritur mbi ndërtimin e HEC-it "Lengarica", në Përmet.
Ministria e Energjisë dhe Industrisë njoftoi se bashkë me ministrinë e Mjedisit morën në konsideratë ankesat e banorëve vendas dhe shqetësimet nga organizatat në mbrojtje të mjedisit mbi punimet që po kryhen për ndërtimin e hidrocentralit "Lengarica" dhe vendosën ngritjen e një grupi pune të përbashkët për verifikimin e gjendjes mjedisore në ndërtimin e këtij HEC-i, në komunën Petran në rrethin e Përmetit.
Grupi i punës do të verifikojë përmbushjen e detyrimeve të kompanisë që zotëron një kontratë koncesioni si dhe kushtet e përcaktuara në lejen mjedisore të dhënë nga Ministria e Mjedisit me Nr.318/1, datë 17.01.2012, lejes zhvillimore komplekse, miratuar me vendim të Këshillit Kombëtar të Territorit me Nr.6, datë 04.07.2013
Ndërtimi i dy hidrocentraleve mbi lumin Lengaricë po kryhet nga firma "Lengarica & Energy Sh.p.k". në komunën Petran të Pëmetit, e përfshirë në ligjin "Për shpalljen e zonave të mbrojtura të monumenteve të natyrës".
Në këtë zonë ndodhen 2 monumente të mbrojtura të natyrës, Banjat e Bënjës dhe Kanioni i Lengaricës, ndërsa zona në komunën e Petranit është shpallur Park Kombëtar në Fondin Pyjor.
Kanioni i Lengaricës, monument unik i rrallë në botë është shpallur me ligj si Monument i Natyrës të Europës dhe është kthyer në vend tërheqës turistik për shëtitjet në natyrë dhe shëndetit publik, pasi aty gjenden dhe banjat termale të Bënjës.
Në fund të verifikimeve, grupi i punës do të bëjë publik raportin përkatës për opinionin publik dhe organizatat mjedisore./n.m//m.m/

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

15 Janar, 19:31