POP 5

Lajmet më të lexuara të 5 minutave të fundit

Kronikë

Një monument kulture, në vendstrehim bagëtish! Shpella e Trenit në Devoll drejt degradimit, projekti për restaurimin ‘fle’ në letër

Mbart mbi supe historinë, por sot Shpella e Trenit në parkun Kombëtar të Prespës, është drejt degradimit prej mungesës në vite të investimeve. Shpella karstike pranë Parkut Kombëtar të Prespës, një vlerë e rrallë e trashëgimisë historike në rajonin juglindor, dita ditës po dëshmon degradimin.

Mbart mbi supe historinë, por sot Shpella e Trenit në parkun Kombëtar të Prespës, është drejt degradimit prej mungesës në vite të investimeve.

Shpella karstike pranë Parkut Kombëtar të Prespës, një vlerë e rrallë e trashëgimisë historike në rajonin juglindor, dita ditës po dëshmon degradimin. Tërësisht e pambrojtur, dëmtimet e mureve të shpellës së Trenit, shtresave kulturore, stalaktideve dhe stalakmideve,  janë të dukshme.

Shkatërrimit nuk i kanë shpëtuar edhe dyert, të cilat dikur u vendosën për ta mbrojtur. E gjithë kjo pamje ngre kambanën e alarmit për reagimin e institucioneve ndaj këtij monumenti, i cili mbart historinë dhe mënyrën e jetesës së banorëvë që nga neoliti i hershëm.

Prej tre vitesh ekziston në letër një projekt restaurimi i Drejtorisë së Trashëgimisë dhe Kulturës në Korçë, por nuk është miratuar ende fondi nga Ministria e Kulturës. 

"Kemi miratuar një projekt para 2 vitesh që konsiston në rrethimin e shpellës me elementë druri, elementë që nuk dëmtojnë aparencën e shpellës, kemi propozuar vendosjen e një sinjalistike me standardet e duhura që pasqyron të gjithë rrugëtimin dhe elementët shkencorë që shpella ka në brendësinë e vet, ndërkohë ka patur edhe disa hapësira qëndrimi që janë realizuar me materiale guri, materiale të lehta, pa ndërhyrje betoni apo struktura të tjera. I bëj thirrje institucioneve që të gjendet mundësi për ta financuar dhe rehabilitimi shpellës dhe vendosja e sinjalistikës do ta ruaj dhe do t'i japë më shumë informacione turistëve për vlerat që ajo mbart", tha Gjergji Koki, Drejtor i Trashëgimisë në Korçë.

Shpella e Trenit ndodhet  në Devoll e njohur  si “Gryka e Ujkut”, ndodhet në pjesën perëndimore të liqenit të Prespës së Vogël dhe daton nga viti 6000 p.e.s. Përfaqëson një shpellë karstike dhe është e gdhendur me piktura të mrekullueshme murale prehistorike kryesisht me skena gjahu.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46