POP 5

Lajmet më të lexuara të 5 minutave të fundit

Opinion

Një pyetje e vështirë për Berishën!

Rihyrja e Berishës në sallën e Kuvendit rihap lojën institucionale të PD. Prania e tij në sallë padyshim që ve në siklet pjesën e cila nuk e ka ndjekur në shizmën e tij por edhe hap pikëpyetje të mëdha.

Një pyetje e vështirë për Berishën!

Sali Berisha në Kuvend

Rihyrja e Berishës në sallën e Kuvendit rihap lojën institucionale të PD.

Prania e tij në sallë padyshim që ve në siklet pjesën e cila nuk e ka ndjekur në shizmën e tij por edhe hap pikëpyetje të mëdha.

Njeriu i cili është mësuar që ku të jetë ai është edhe kryet e tavolinës, ka peshën e vet në qëndrimet e PD në të ardhmen.

Kjo do të fillojë që me betejat e para parlamentare. Është kuriozitet se çfarë qëndrimi do të mbajë ai kur Basha të akuzojë qeverinë për çështjen e inceneratorëve. A do ta akuzojë ai në sallë grupin e Bashës për flirt me Ramën? Ose cili do të jetë qëndrimi i grupit filoberishë ndaj votimeve të ligjeve të ndryshme që do promovojë grupi i Bashës?

Salla e parlamentit mund të shërbejë edhe si ngjitës për afrimin e heshtur të dy grupeve, por mund të jetë edhe vend ku mund të nisin përplasjet.

Pikë kurioziteti është edhe si do sillet grupi i Bashës ndaj iniciativave të Berishës. Dihet talenti i Berishës për të fuqizuar dhe bërë bërtitëse kauzat. A do të bashkohet edhe ai i Bashës, duke lënë kështu shijen e një nënshtrimi të tij ndaj linjës së ish-shefit të tij.

Pa folur pastaj për prezencën e njëkohshme në sallë të dy liderëve, ku sharjet mes tyre nuk kanë qenë aspak në nivelin teatral.

E në këtë mes nuk do të mungojë personi i cili e ka specialitet të tij ndezjen e sherrit mes palëve për të dalë në fund i fituar ai vetë, Edi Rama.

Tashmë në sallën e kuvendit përveç luftës verbale që po mësohemi, do kemi edhe luftën psikologjike, ku Basha ende nuk e ka provuar veten ndërsa Berisha nuk është më ai i pari.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

New York Times: Vuçiç 'sakrifikoi' kryeministrin që të fitojë kohë

New York Times: Vuçiç 'sakrifikoi' kryeministrin që të fitojë kohë

28 Janar, 22:32