Njeriu i pafat i 'Bernabeut', Neuer: Kushdo që ka luajtur futboll e di si ndihem

Portieri i Bayern Munich, Manuel Neuer u sigurua që Real Madridi të rikthehej në lojë pas gafës në 'Bernabeu' gjatë duelit të Champions League.

Kush do ta kishte menduar se dikush me aq përvojë dhe aftësi sa portieri legjendar i Bayern Munich, Manuel Neuer, do të ishte personazhi negativ i bavarezëve. Pasi priti gjithçka në drejtim të tij dhe shmangu golat, portieri gaboi dhe Real Madrid barazoi 1-1 para se "Galaktikët" të shënonin golin e dytë.

Bayern kryesonte 0-1 deri në minutat e fundit të ndeshjes dhe më pas ndodhi një aksion në të cilin Neuer bëri një ndërhyrje të dobët pas një gjuajtjeje nga distanca dhe topi i rikthyer u fut në rrjetë nga sulmuesi i Realit, Joselu, duke dërguar në delir tifozët dhe bashkëlojtarët e tij, gol që i dha finalen e madhe të Champions League kundër Dortmundit më 1 qershor.

"Kushdo që ka luajtur futboll e di se si ndihem unë. Është jashtëzakonisht e rëndë të bësh atë gabim, veçanërisht pas avantazhit 1-0. Ne bëmë një hap të madh drejt Londrës, që në fund na u përmbys.

Duhet të jem i sinqertë dhe të pranoj se prisja që topi të kthehej në një drejtim pak më ndryshe. Vlerësova se do të përplasej në gjoks, por fatkeqësisht ishte pak më lart.

Gjithashtu, nuk e prisja që do të kishte një përplasje të vogël në fushë dhe që topi do të kërcente ashtu siç bëri. Më vështirësoi kontrollin. Joselu ishte më i shpejtë dhe ishte e vështirë të ndaloja gjuajtjen. Ishte e dhimbshme”, përshkroi Neuer momentin që vendosi ndeshjen.

S.DH/Shqiptarja.com

TAG:
• Manuel Neuer
• Bayern Munchen
• champions league