Simone Arrigoni thyen rekordin e tij për rrotullimet nën ujë pa marrë frymë Me rastin e dites Botërore të Biodiversitetit Simone Arrigoni ka thyer rekordin e tij të mëparshëm gjatë spektaklit të organizuar nga parku ujor “Zoomarine”.

Simone Arrigoni është njeriu i rekordeve. Ai theu rekordin e tij duke vendosur një rekord të ri botëror të rrotullimeve nën ujë duke realizuar 15 të tillë në vetëm një minutë e 32 sekonda.

Voltas është një term portugez që do të thotë “rrotulloj” dhe në fushën teknike përfaqëson nje rrotullim të gjerë vertical i realizuar nga trajneri nën ujë i shtyrë nga një apo dy delfinë.

Ky ushtrim përfaqëson simbiozën mes njeriut dhe delfinit. Shfaqja u paraqit pranë parkut ujor “Zoomarine” në Torvaianica të Romës me rastin e ditës botërore të biodiversitetit.

Pikërisht për këtë rast të veçantë parku i ka dhënë mundësinë mysafirëve me anë të një videoprojektori të ndjekin një dokumentar mbi diversitetin mes individëve të së njëjtës specie.

Spektaklin e bëri më interesant një shfaqje fotografike nga 10 finalistët e parë të seleksionuar nëpërmjet Facebook-ut.


Redaksia Online
(Gre.M/Shqiptarja.com)