POP 5

Lajmet më të lexuara të 5 minutave të fundit

Sociale

Njihuni me kampionin pa krahë 
prova se “gjithçka është e mundur”

Ky është Ibrahim Hamadto, kampioni egjiptian pa krahë që po zhvillon setin e tij të lojës me disa prej emrave më të njohur të sportit në Kampionatin Botëror të ping-pongut, ku është i ftuar nderi. Ai është 41 vjeç dhe i humbi krahët në moshën 10 vjeçare në një aksident me tren. Por as kjo fatkeqësi e tmerrshme nuk e ndaloi atë të ndiqte ëndrrën e tij. VIDEO
Ky është Ibrahim Hamadto, kampioni egjiptian pa krahë që po zhvillon setin e tij të lojës me disa prej emrave më të njohur të sportit në Kampionatin Botëror të ping-pongut, ku është i ftuar nderi. Ai është 41 vjeç dhe i humbi krahët në moshën 10 vjeçare në një aksident me tren. Por as kjo fatkeqësi e tmerrshme nuk e ndaloi atë të ndiqte ëndrrën e tij.

“Në fshatin tim, thotë ai, unë mund të luaja vetëm futboll dhe ping pong ndaj zgjodha ping-pongun si një sfidë ndaj vetes dhe të tjerëve, sepse futbolli ishte shumë i thjeshtë për mua.” 

Ai e nisi stërvitjen që në moshën 13 vjeçare dhe ju deshën shumë vite stërvitje intensive për të arritur rezultatet dhe nivelin e lojës që bën tani. “Pas aksidentit, tregon Ibrahim, e kisha shumë të vështirë të luaja sepse së pari ishte problemi sesi do të mbaja tabelën e pingpongut dhe vetëm pasi provova disa mënyra vendosa të përdorja gojën. Mu deshën plot tre vite stërvitje intensive dhe pavarsisht habisë së njerëzve kur më shihnin, kam marrë mbështetjen dhe nxitjen e të gjithëve. Ata ndiheshin po aq krenarë sad he unë për vullnetin dhe vendosmërinë time, përfundon ai.”

Hamadto është i martuar, me tre fëmijë dhe është shumë krenar për arritjet e tij sportive: ka fituar shumë çmime ndër vite si dhe medaljen e argjendtë në Kampionatin e Tenisit në Afrikë vitin e shkuar. 

Së fundmi ai tregoi aftësitë e tij në Kupën e Botës të Tenisit në Tavolinë në Tokyo, Japoni, ku u përball me emrat më të njohur të sportit. 

Presidenti i Federatë së Tenisit në Egjipt u shpreh për Ibrahim se ai ishte një njëri shumë i mire, me besim të madh dhe shumë kërkues. I edukuar dhe shumë modest pasi pavarsisht rrethanave të vështira në të cilat ndodhet, si fizike ashtu dhe ekonomike, ai nuk ka kërkuar asnjëherë ndihmë nga askush, duke shtuar se Ibrahim është një njeri model për këdo. 

“Njerëzit pa magësi fizike duhet të mësojnë shumë prej tij, duke qenë se gjejnë gjithnjë shfajësime për gjërat më të vogla. Nga njerëz të tillë duhet të marrin inspirim për të mposhtur çdo problem dhe të këmbngulin për të arritur objektivat e tyre” ka thënë më tej presidenti i federatës. 

Hamadto përfundon me mesazhin për të gjithë njerëzit se asgjë nuk është e pamundur nëse beson dhe punon fort për t’i realizuar ato.

Redaksia Online
(F.I/Shqiptarja.com)

/Shqiptarja.com
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Nxitimi mund t'ju çojë në gabime... çfarë kanë rezervuar yjet për sot

Nxitimi mund t'ju çojë në gabime... çfarë kanë rezervuar yjet për sot

30 Janar, 07:14