POP 5

Lajmet më të lexuara të 5 minutave të fundit

Sport

‘Nokaut’ kampionit argjentinas, Hysa elektrizon Tetovën: Tani futem tek më të fortët në botë! Fitojnë edhe Nurja me Bermetën

Edhe pse renditej 77 vende më lart në listën botërore Nelson Hysa ka bërë një ndeshje spektakolare në boks ndaj kundërshtarit argjentinas Aumada, duke e mposhtur në raundin e tretë. Në Tetova, ku pati deri në 7 mijë tifozë, arritën të fitonin edhe dy boksierët e tjerë shqiptar si Alban Bermeta dhe Denis Nurja.  

Ishtë përballja më e vështirë deri më tani në boksion profesionist, por kampioni shqiptar i peshave të rënda, Nelson Hysa, ia ka dalë të mposhtë me nokaut kampionin e Argjentinës Marcos Antonio Aumada. Në përballjen e zhvilluar në Tetovë, ku pati edhe një mbështetje të madhe për boksierët kuqezinj, Nelson Hysa ia doli të mbyllte ndeshjen që në raundin e tretë pavarësisht se kundërshtari renditej 77 vende më lart në ranglistën botërore.

Për Nelson Hysën kjo ishte fitorja e 10 në 10 ndeshje në boksin profesionist, ndërsa para sfidës për Report TV ai shprehej:

“Kjo fitore për mua do më kalonte në një nivel tjetër. Do shkojë në rangun e 50 boksierëve më të mirë të botës.”

Boxrec ende nuk e ka bërë përditësimin, por Nelson Hysa para sfidës në Tetovë renditej i 162 në botë, ndërsa tani pritet të ngjitet shumë lart.

Gjithashtu po mbrëmjen e së shtunës në ring, në ‘Natën e Kampionëve’, u ngjitën edhe disa boksierë të tjerë shqiptar me Alban Barmetën, i cili ka fituar që në raundin e parë me nokaut, nderkohë që sfida më e bukur e mbrëmjes ka qenë ajo e Denis Nurjes me një boksier argjentinas të cilën e mposhti përmes një lufte shumë të fortë sportive. Boksierët tanë kanë qenë të shoqëruar në këtë aktivitet nga trajneri i ekipit kombëtar Zef Gjoni.

Ne.k./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Scutari: 18/11/2023 21:25

    Interesant, ky nuk ka qenë i fortë kur ka qenë i ri....

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu