Normalizohet situata në Kapshticë, nuk ka qytetarë në pritje! Kuota prej 300 personash që lejohen të kalojnë në ditë s'është plotësuar ende

KORÇË- Mëngjesi i kësaj të hëne ka sjellë edhe normalizim të situatës në pikën e kalimit kufitar në Kapshticë. Report Tv me gazetaren Gladiola Hoxha është zhvendosur mëngjesin e sotëm në Kapshticë, ku pas dy ditësh, fatmirësisht radha e makinave dhe e autobusëve është zhdukur. 

Me hapjen e doganës në orën 06:00, kanë arritur që të kalojnë të gjithë emigrantët që kanë qenë në dje pritje për të kaluar drejt Greqisë. Asnjërit prej tyre nuk i është hapur probleme për tamponin, pasi shumë qytetarë kishin shqetësimin se do i kalonte afati prej 72 orësh të testit COVID apo probleme që mund të vinin nga skadimi i aplikimit online.

E gjithë radha, përgjatë fundjavës ka ardhur si rezultat i plotësimin në një kohë rekord të kuotës prej 300 personash, e vendosur nga autoritetet greke si masë mbrojtëse ndaj COVID-19. Gjatë fundjavës, kjo kuotë është plotësuar për rreth 1 orë e gjysmë. Fatmirësisht, gjatë kësaj të herë, ku ora ka kaluar 09:00, ka ende hapësirë për qytetarë të tjerë, pasi mësohet se deri më tani kanë kaluar rreth 250 emigrantë.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet