TIRANE-Mëngjesin e ditës së djeshme u sulmua me armë zjarri banesa e prindërve të gazetares Klodiana Lala, ndërsa deri tani nuk ka asnjë person të arrestuar, por dyshohet se kërcënimi lidhet me detyrën. Ditën e sotme gazetarja ka dhënë dëshminë para grupit hetimor në prokurorinë e Tiranës që po heton dosjen. Jashtë ambienteve të prokurorisë së Tiranës në një komunikim me gazetarin e Report Tv, Arsen Rusta, bashkëshorti i gazetares Ylber Lleshi, që jeton në Britaninë e Madhe shprehet se nuk ka ndërmend që të largohen pas ngjarjes.
Nuk kemi ndërmend që të largohemi nga Shqipëria
Ylber Lleshi-burri i gazetares Klodiana Lala
Ylber Lleshi jeton prej vitesh në Britaninë e Madhe, ndërsa bashkëshortja, gazetarja Lala së bashku me dy vajzat jetojnë në Tiranë. Ngjarja e pazakontë ndodhi mëngjesin e djeshëm në fshatin Domje të Tiranës, aty ku prej vitesh jeton familja e gazetares së kronikës së zezë, Klodiana Lala. Banesa e prindërve të saj, përjetoi momente terrori, pasi rreth orës 03:00 të mesnatës persona ende të paidentifikuar qëlluan me breshëri kallashnikovi, banesën e familjes së gazetares Lala.
Qëllimi i kriminelëve ka qenë të jepte një mesazh të fortë gazetares, duke nënkuptuar se të godasim familjen, nëse na përmend emrin në kronikat televizive. Kjo e fundit kishte vetëm disa orë që ishte larguar nga shtëpia e prindërve, ku së bashku me bashkëshortin e saj kanë udhëtuar në drejtim të Tiranës, aty ku jetojnë së bashku. Dy vajzat e saj të mitura, i ka lënë në banesën e prindërve, nën shoqërinë e 6 personave të tjerë, si dy gjyshërit, motrës, vëllait dhe dy krushqve,që kishin mbërritur për vizitë nga Italia.
Fatmirësisht breshëria e automatikut nuk ka sjellë asnjë dëm në njerëz, vetëm dëme materiale. Besohet se autori i krimit është larguar me automjet nga vendi i ngjarjes për të mos u identifikuar ende dhe sot. Pak ditë më parë gazetarja Lala ka botuar në një kronikë televizive një bisedë të përgjuar mes deputetit të PS Jurgys Çyrbja me një person me precedentë penalë. Mësohet se ministri Xhafa i ka siguruar mbrojtjen familjes së gazetares dhe vetë asaj, ndërkohë ka premtuar se ngjarja do zbardhet
Komente
Lajme të tjera
-
10 Maj, Dita e Drejtësisë dhe shtëpia e Zenepe Lukës që u hodh në erë
10 Maj 2020, 20:10
Mafia e kriminelat te vrasin e jo te paralajmerojne.Nuk besoj se se bresheria me automatic eshte bere per te frikesuar gazetaren duke qelluar shtepin e babait te saj,ne nje kohe qe ajo ka qene vetem ne shtepi.Mafia nuk te frekson por te vret ne vend.Mendoj qe eshte aksjon i simpatizanteve fanatic tropojan te PD per t`a ndezur edhe ma teper situaten e acaruar politike ne Kulm.Me kujton pregaditjen e terrenit te elektrizuar nga PD ne demonstraten e i Prillit ne Shkoder.Kujdesssssss.
Përgjigju