'Nuk e harroj atë ditë me shi që prisja para televizionit...', Bleona Qereti rrëfen performancën në moshën 14-vjeçare

Këngëtarja e njohur Bleona Qereti ka sjellë nëpërmjet një postimi performancën e saj në moshën 14-vjeçare.

Ajo e ka filluar karrierën si këngëtare shumë herët dhe tashmë është bërë e njohur deri në Amerikë.

Sot janë bërë plot 25 vite, kur Bleona vetëm 14 vjeç, fitoi konkursin për të marrë pjesë në festivalin e dhjetorit.

Në kuadër të këtij përvjetori, këngëtarja ka publikuar në profilin e saj të Instagramit disa ndër këngët e saj më të bukura dhe është shprehur se 25 Nëntorin e vitit 1995 nuk do ta harrojë kurrë.

“25 nëntor 1994 është data që fitova konkursin për të marrë pjesë në festivalin e dhjetorit. Është një datë e cila do të ngelet përgjithmonë në memorien time. Kanë kaluar 25 vite që atëherë, por unë nuk e harroj atë ditë me shi që prisja para televizionit për të marrë rezultatin e konkursit. Babai im  mundohej të më fuste në çadër që të mos lagesha, por unë nga ankthi dhe emocionet nuk ndjeja asnjë pikë shiu që më binte në fytyre, derisa i ndjeri Selim Ishmaku doli poshte televizionit dhe na tha: “Ne si juri mendojme qe Bleona duhet te kendoje ne festival” - nuk arrija te ndaja lotet nga pikat e shiut..... isha 14 vjec dhe pjesemarresja me e re ne festival. Sot dua të falenderoj nga zemra të gjithë bashkëpunëtoret e mi më të afërt, më saktë legjendat e muzikes shqiptare do të thoja, sepse jane pikerisht ata qe kanë bërë historinë e muzikës tone me krijimtarite e tyre”, ka shkruar Bleona krahas postimit të saj.

Postimi i Bleonës

TAG:
• instagram
• bleona qereti
• performance