Alba Malltezi: Nuk mund të mallkohen shqiptarë për një humbje politike

Alba Malltezi: Nuk mund të mallkohen shqiptarë për një humbje politike

Mallkimet, ndaj shqiptarëve që nuk i votuan, nga ana e intelektualëve pranë të djathtës që humbi në zgjedhjet e 14 majit, janë të pakuptueshme. Së pari, duke qenë intelektualë mendohet të kenë arritur në atë fazë të evolucionit individual për të kuptuar se humbjet, dështimet, rrëzimet,i bëjnë njerëzit e mençur të shohin fillimisht nga vetja. Sidomos, nëse këto humbje, prekin shumë vetë edhe si shqiptarë, parase me qenë opozitarë. Pra në këtë rast, humbja e opozitës përkoi me humbjen e shumë shqiptarëve të tjerë të ngjashëm në bindje politike me këta intelektualë. Mallkimet, denigrimet, zvogëlimet, epitetet që dëgjohen e lexohen këto ditë ndaj një populli, poshtë e lart, janë të patolerueshme.

Së dyti, nëse një pjesë e shqiptarëve, e çertifikuar tashmë antiberishiane, është shumicë në vend, nuk do të thotë se “fajin e ka Berisha”, siç hatërmbeten dhe e banalizojnë prej kohësh problemin të njëjtët intelektualë pranë Berishës dhe modelit politik që ai përfaqëson; do të thotë se kjo shumicë shqiptarësh thjeshtë e sheh veten në drejtim të kundërt me atë që Berisha propozon. Pra, faji nuk është i Berishës në asnjë moment, është meritë e shqiptarëve të shohin ndryshe prej tij dhe të veprojnë ndryshe prej tij.

Eshtë kjo arsyeja thelbësore e dallimit të një berishiani që mbart në vetvete mungesën e thellë të kuptimit të gabimit në veprim dhe në fjalë, nga pjesa tjetër e shoqërisë shqiptare që ka vendosur të shkojë përtejë akuzave që për një humbje, çfarëdo humbje, edhe një të tillë politike, mendojnë se fajin e kanë të gjithë: komshinjtë, kolegët, farefisi, shoqëria apo e gjithë Shqipëria.

Aftësia për të kuptuar dhe pranuar një humbje, kërkon inteligjencë  dhe sidomos qytetërim që e thënë kështu mund të ngjajë si një ofendim ndaj kujt nuk e bën një gjë të tillë. Por në të vërtetë jo. Egoja njerëzore përballet përditë në tundime për ti pranuar vetes se është më i miri dhe më i pagabueshmi dhe në fakt disa janë. Problem lind atëherë kur më të mirët e më pak të gabueshmit ndodhen nga ana tjetër e vijës e për ta parë e pranuar këtë, duhet modesti e mjaftueshme të ndriçojë faktet.

Është e trishtë, e papranueshme që shqiptarë të flasin me kaq përbuzje për të tjerë bashkëatdhetarë duke vënë në diskutim qytetërimin e mundimshëm e plot sakrifica që përditë bëjmë si shoqëri. Qytetërimi kalon edhe përmes humbjeve.

a.m./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Cubel breca: 26/05/2023 06:27

    E po prandaj jan aty ku Jan. Populli eshte i MENCUR iku koha e budallenjve. Jan tallur si kan dashur, s'ka me. Dhe me sa shikojm po rreshqasin perdit e me shum. Dhe domosdo sot pas kaq vitesh demokraci e te kesh mentalitetin e mallkimit ,perse se ti sdon me votu per qenerit opozitar qe vetem keq i kan ber e vazhdojn ti bejn ketij vendi te shqipes kjo eshte absurde dhe prandaj shqipetaret i cuan aty ku duhet te jen.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Mbështetësi i Belerit e pështyu, reagon Vangjel Tavo: Interesat e vogla kanë marrë peng komunutetin himariot

Mbështetësi i Belerit e pështyu, reagon Vangjel Tavo: Interesat e vogla kanë marrë peng komunutetin himariot