'Nuk premtoj mrekulli', Artan Mërgjyshi: Vora konkurron denjësisht në Kategorinë e Parë! Titulli? Partizani më i avantazhuar

Klubi i Vorës në futboll sezonin e ri do luajë në Kategorinë e Parë, si fitues në grupin B të së Dytës. Trajneri i vorakëve, Artan Mërgjyshi foli në Report Tv për emisionin "Sot Live në Shqipëri" me gazetarët Andi Kapxhiu dhe Nertil Agalliu. Tekniku u ndal te eksperiencë dhe të rinjtë e talentuar në ekip, duke thënë se do jenë një ekip konkurrues në të Parën, por pa premtuar mrekulli. Sa i takon titullit në Superligë dhe ndeshjes derbi mes Tiranës dhe Partizanit, trajneri sheh më të avantazhuar "Demat" e Colellës.

"Që në fillim u binda nga projekti dhe serioziteti i drejtuesve. Veç kësaj edhe emra si Hidi apo Rraboshta në organikë dhe një qarkullim brezash në ekip, ky gërshetim i tillë më tërhoqi. Kategoria e Dytë është e vështirë, terrenet, gjykimi, mentaliteti dhe këto bënë mos e nisnim mirë sezonin, duke pasur luhatje. I kaluam ngërçet dhe me cilësitë e ekipit dominuam kampionatin. Gjithçka funksioni mirë, u poqëm si ekip dhe fituam. Një fakt plus janë edhe tifozët. Janë të lidhur dhe e përjetojnë shumë futbollin. Nuk na kanë kthyer shpinën as në kohën e vështirë. Çdo trofe ka vlerën e vet. Kjo është një kënaqësi edhe për tifozët", tha fillimisht trajneri.

Më pas Mërgjyshi foli edhe për objektivat e sezonit të ri.

"Për të qenë realist, duhet të jemi me këmbë në tokë. E dimë forcën tonë. Me këtë ekip që kam, di që jam konkurrues me të gjitha ekipet. Kemi luajtur edhe miqësore me ekip nga e Para dhe nuk kemi qenë inferiorë. Kemi luajtur si të barabartë. Kategoria e Parë është e vështirë, edhe nga reduktimi i skuadrave që shkon në 12. Rivaliteti është gjëja që na mban në garë. Nuk premtoj mrekulli, por që do jemi konkurues", tha Mërgjyshi.

Trajneri i njohur foli edhe për derbin Tirana - Partizani dhe titullin e Superligës, që me gjasë do ndahet mes këtyre dy skuadrave.

"Është ndeshja më speciale e kampionatit tonë. Partizanit i duhet patjetër fitorja, Tirana ka dy rezultate në lojë. Tirana vjen edhe me probleme dëmtimesh, si edhe humbja me Teutën bën të vetën moralisht. Partizanin e shoh më të avantazhuar. Unë kam qejf të fitojë Tirana, por Partizani ka një plus 5-10 përqind për të dalë kampion", tha Mërgjyshi.

S.DH/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

VIDEOLAJM/ ‘Çmenden’ tifozët kuqezi, ja si festohet goli i Bajramit në Fan Zone

VIDEOLAJM/ ‘Çmenden’ tifozët kuqezi, ja si festohet goli i Bajramit në Fan Zone