Nxënësit bojkotojnë mësimin me turne, kryebashkiaku i Kukësit, Halilaj: Kanë të drejtë, kaldaja te ‘Havzi Nela’ në fazë testimi, inaugurimi në 12 dhjetor

 

Edhe këtë pasdite ndonëse në një numër të vogël nxënësit e gjimnazit “Havzi Nela” në qytetin e Kukësit kanë bojkotuar mësimin dhe janë organizuar në protestë para godinës së rikonstruktuar por ende jo në shfrytëzim e të marrë në dorëzim nga bashkia. Ndërkohë në përkrahje të kërkesës së gjimnazistëve për rikthim sa më të shpejt në shkollën e tyre kryebashkiaku i Kukësit Albert Halilaj, në një deklaratë për media bëri të ditur se objekti është në fazën e testimit dhe se me datë 12 dhjetor të këtij viti do bëhet inaugurimi i objektit me prezencën e ministres së arsimit.

“Ankesa e nxënësve është e drejtë. Investimi është i qeverisë shqiptare, ministrisë së Arsimit. Një pjesë e këtij investimi siç është kaldaja është në fazë testimi. Deri më datë 12 Dhjetor mendoj se do përfundojë si proces dhe më datë 12 dhjetor do jetë e pranishme ministrja e Arsimit për inaugurimin e shkollës së rikonstruktuar me të gjitha kushtet bashkëkohore”, tha Halilaj.

LEXO EDHE:
GJKKO refuzon marrëveshjen mes SPAK dhe ish-kryebashkiakut të komanduar të Kukësit, Granit Gjana, dosja kthehet për hetim

Lajmi kryesor:

Sistemi i ngrohjes bllokon godinën e re të gjimnazit në Kukës, nxënësit mësim me turne, dalin në protestë! Edhe në Lezhë s’punon kaldaja

B.K/KT/Shqiptarja.com

TAG:
• havzi nela
• Albert Muja
• ngrohja ne shkolla
• shkolla
• Kukes
• Lezhe
• nikolin shtjefni
• albert halilaj