POP 5

Lajmet më të lexuara të 5 minutave të fundit

Sport

Nxihet karriera e Mourinho-s, Bodo Glint shkatërron Romën! Napoli fiton përballjen e shqiptarëve, Lazio 'paqe' me Marseille-n

Jose Mourinho ka pësuar humbjen më të thellë në karrierë si trajner pasi Roma është shkatërruar 6-1 në Konference League nga Bodo Glin. Ndërkohë edhe Tottenham është mposhtur nga Vitese, ndërsa në Europa League përballja e shqiptarëve mes Napolit dhe Legias është fituar 3-0 nga italianët.

Katastrofë është cilësuar paraqitja e Romës të enjten në Conference League, pasi italianët janë shkatërruar 6-1 nga Bodo Glin. Në Norvegji Jose Mourinho pësoi humbjen më të thelllë në karrierë, ndërsa nga futbollistët më të kritikuar ishte edhe shqiptari Marash Kumbulla, i cili luajti si titullar pas shumë kohësh me verdhekuqtë.

Humbja me këto shifra ka trishtuar më së shumti tifozët, të cilët në fund të ndeshjes refuzuan edhe fanellën e kapitenit Pellegrini. Ronma gjithsesi nuk ka qenë surpriza e vetme e mbrëmjes, pasi po për Conference League, finalja e kompeticionit që do zhvillohet në Tiranë, është mposhtur edhe Tottenham. Vitese në Holandë ia doli 0-1 falë golit të Wittek në minutën e 78. Ky rezultat i zbret londinezët në vendin e tretë në grup, duke rrezikuar kalimin e tij.

Ndërkohë për xhiron e tretë të fazës së grupeve në Europa League Napoli ka fituar përballjen e shqiptarëve kundër Legias së Varshavës. Italianët, pjesë e të cilëve është edhe Amir Rrahmani, fituan me rezultatin 3-0, por deri në minutën e 75 ndeshja ishte 0-0. Për çerek ore lojë polakët ku bëjnë pjesë Ernest Muçi, Jurgen Çelhaka dhe Liridon Kastrati pësuan 3 gola nga Insigne, Osimhen dhe Politano. Falë kësaj fitoreje italianët janë rikthyer fuqishëm në valle për t’u kualifikuar më tej.

Ndryshe nga Napoli Lazio nuk ka shkuar më shumë se një barazim 0-0 kundër Marsielle-s, por në këtë sfidë vlen të theksohet paraqitja pozitive e Thomas Strakoshës. Sakaq përballja e prestigjit në grupin B mes PSV-së dhe Monaco-s është fituar 1-2 nga skuadra franceze.

 

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime

Balla takim me punëtorët shqiptarë në Toskana: Deri në Pashkë shpresojmë të arrijmë marrëveshjen për njohjen e pensioneve! Merrni pjesë në votime

21 Dhjetor, 17:10