SHKODER - Në ditën e dytë të punës, Operacioni "Forca e Ligjit" ka sekuestruar një sërë pasurish të personave të dyshuar si të përfshirë në pengmarrjen dhe vrasjen e Jan Prengës më 17 janar 2020, trupi i të cilit ende nuk është gjetur. Me kërkesë të OFL-së, drejtori i Përgjithshëm i Policisë së Shtetit ka nxjerrë urdhra sekuestrimi për pasuritë e Aldo Manishtës, Ardian Doçit, Artan Doçit, Gentian Finiqit, Martin Bletës dhe një personi me inicialet M.D

Pasuritë e sekuestrua në sajë të aktit normativ Anti-KÇK, janë banesa private, sipërfaqe toke, automjete dhe vila luksoze edhe me pishina. Me nxjerrjen e urdhrit direkt nga drejtori i Policisë, Ardi Veliu, me kërkesë të OFL-së, brenda 15 ditëve prokuroria shqyrton vendimin e policisë dhe ja dërgon gjykatës e cila ka gjithashtu 15 ditë kohë për të miratuar masën e sekuestros, ose për ta hequr atë nëse sheh se nuk ka dyshime për pasuri të paligjshme. Brenda 24 orëve, pronarët e këtyre pasurive të sekuestruara duhet të plotësojnë formularin ku të deklarojnë burimin e të ardhurave dhe nëse këto pasuri janë vënë në rrugë të ligjshme.

Pasuritë e Doçjave janë vënë në sekuestro pas dyshimeve për të afërmin e tyre, Gentian Doçi i cili është në kërkim nga policia shqiptare si truri i pengmarrjes së Jan Prengës, ndërsa është në kërkim nga Itali për trafik kokaine. Sipas aktit normativ Anti-KÇK, në rastet kur ka dyshime të arsyeshme, nuk do t'i shpëtojnë barrës së provës, edhe personat e afërm të të dyshuarve për pasuri të paligjshme. Kështu edhe familjarët dhe personat e tretë, do të duhet të faktojnë para gjykatës se e justifikojnë pasurinë që është në emër të tyre dhe e kanë me burime të ligjshme.

Dje, në ditën e parë të punës në terren, Operacioni Forca e Ligjit sekuestro pasuri të Altin Hajrit, persn në kërkim dhe i dyshuar nga prokuroria si një nga organizatorët e pengmarrjes dhe vrasjes së Jan Prengës.  Operacioni Forca e Ligjit zbarkoi në Shkodër mëngjesin e sotëm për të goditur pjesën tjetër të grupit në veri të vendit, që rrëmbeu dhe vrau Jan Prengën, 49-vjeçar

Pengmarrja dhe më tej vrasja e Jan Prengës, dyshohet të ketë ardhur si pasojë e konflikteve të grupeve kriminale të Hajrave në Shijak dhe Doçit në SHkodër, me vëllanë e Prengës në Angli, Astrit Prenga për pazaret e kokësinës.

 Por sot OFL-ja u nisi formularin për të justifikuar pasurinë Lulzim Berishës dhe Ardian Çapjas.

Lista e parë në duart e OFL-së përfshin 150 subjekte, nga 250 në total. Nesër sipas burimeve të Report Tv, OFL-ja do të jetë në Vlorë, ndërsa në mesjavë në kryeqytet.

Rendit zhvillimet sipas orarit:
Ora 17:56
VIDEO nga aksioni i OFL-së në ditën e dytë të punës! Urdhrat e sekuestros së pasurive në Shkodër

Në ditën e dytë të punës, Operacioni "Forca e Ligjit" ka sekuestruar një sërë pasurish të personave të dyshuar si të përfshirë në pengmarrjen dhe vrasjen e Jan Prengës më 17 janar 2020, trupi i të cilit ende nuk është gjetur. Me kërkesë të OFL-së, drejtori i Përgjithshëm i Policisë së Shtetit ka nxjerrë urdhra sekuestrimi për subjektet e mëposhtme, njofton zyrtarisht policia.

Report Tv mëson se janë sekuestruar pasuritë e Aldo Manishtës, Ardian Doçit, Artan Doçit, Gentian Finiqit dhe Martin Bletës.

Aldo Manishta, me banim në lagjen Skënderbeg, Shkodër, i është sekuestruar:

Një banesë njëkatëshe, e ndodhur në lagjen Skënderbeg, Shkodër.

M. D., me banim në Nicaj, Shkodër, i është sekuestruar:

Një banesë dykatëshe + një kat njësi shërbimi, e ndodhur në lagjen Fermentim, Shkodër;

Pasuria e llojit arë me sipërfaqe 1541 m2 ;

Pasuria e llojit truall me sipërfaqe 350 m2. 

Ardian Doçi, me banim në lagjen Bleran, Njësia Administrative Rrethina, Shkodër, i është sekuestruar:

Një banesë dykatëshe, e ndodhur në lagjen Bleran, Njësia administrative Rrethina, Shkodër; 

3 automjete

1 motor. 

Gentian Finiqi me banim, lagjen Skënderbeg, Shkodër, i është sekuestruar:

Një banesë vilë katërkatëshe, me pishinë;

Një automjet;

Artan Doçi me banim në lagjen Bleran, Njësia Administrative Rrethina, Shkodër, i është sekuestruar:

Një banesë trekatëshe, e ndodhur në Hot i Ri, Shkodër. 

Shtetasit Martin Bleta, me banim në Grudë e Re, Shkodër, i është sekuestruar:

Një banesë dykatëshe + një kat papafingo, e ndodhur në Grudë e Re;

Një automjet;

Operacioni vijon.

G.M./Shqiptarja.com