POP 5

Lajmet më të lexuara të 5 minutave të fundit

Sociale

Ohri, kjo pasuri e mbrojtur nga UNESCO kërkon më shumë lehtësira për lëvizjen e turistëve në kufirin Shqipëri-Maqedonia e Veriut

Ne fshatin piktoresk të Linit, në Pogradec u kremtua 5-vjetori i shpalljes së liqenit të Ohrit, pasuri boterore, mbrojtur nga UNESCO. Aktivistët, mes tyre Nderim Pollozhani tha se qeveritë e Shqipërisë dhe Maqedonisë së Veriut duhet të lehtësojne procedurat kufitare për të zhvilluar më shumë turizmin. 

Ne fshatin piktoresk të Linit, gadishull i liqenit të Ohrit u kremtua 5-vjetori i shpalljes pasuri boterore, mbrojtur nga UNESCO. Një guidë e përbashkët mes shqiptarëve të Shqipërisë dhe Maqedonisë zgjodhen të promovojnë zonën por dhe të bejne apel per te mos lejuar ndërtimet në peisazhin e mbrojtur. Po kështu Nderim Pollozhani ambientalist nga Struga tha se qeveritë e dy vendeve duhet të lehtësojnë procedurat në kufi, në mënyrë që turistët të mos qendrojnë për orë të gjata në pritje.

Që nga 5 korriku i vitit 2019, liqeni i Ohrit i ndarë mes Shqipërisë e Maqedonisë së Veriut është përfshirë në listën e UNESCO-s si pasuri e kombinuar e trashëgimisë, natyrore dhe kulturore.  Ky liqen ofron një strehë unike për lloje të shumta endemike dhe relikte të florës dhe faunës së ujërave të ëmbla.

Duhet theksuar se një pjesë e Liqenit të Ohrit që ndodhet në Maqedoninë e Veriut dhe në brendësi të saj, duke përfshirë qytetin e Ohrit, ishte i regjistruar në Listën e Trashëgimisë Botërore që prej vitit 1979. Ndersa prej 5 vitesh tashme, eshte ne UNESCO dhe pjesa shqiptare në veriperëndim të liqenit të Ohrit, gadishullin e vogël të Linit dhe brezin e tokës përgjatë vijës bregdetare që lidh gadishullin me kufirin maqedonas. Në ujërat e cekëta pranë bregut të liqenit, disa site dëshmojnë për praninë e banesave parahistorike mijëravjeçare palafite.

R.D/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu