Tregu i hemodializës është i dominuar nga një oligopol mes dy kompanive, është shprehur Autoriteti i Konkurrencës, në përfundim të hetimeve për shërbimet spitalore në shtatorin e 2021-it.
Në përgjigjen e kthyer ndaj Top Channel, Autoriteti Konkurrencës ka vlerësuar se në Shqipëri ky shërbim ofrohet në pjesën dominuese të tregut nga vetëm dy spitale, “Spitali Amerikan” dhe “Hygeia”, të dyja në pronësi të “Balkan Alliance Healthcare”, shoqëri me seli në Holandë të përfaqësuara nga Klodian Allajbeu. Në këtë mënyrë konkurrenca dhe çmimet e drejta në këtë treg nuk ekzistojnë, ndërsa fondet publike majmin dy spitalet private.
Në kushtet kur kapacitetet në spitalet publike janë të zëna, FSDKSH ia ndan shërbimin e dializës, spitaleve private. Por në 90% të rasteve shërbimet i marrin vetëm Spitali Amerikan dhe Hygeia. Si ndodh kjo?
Nga një raport i KLSH, në shtatorin e 2023-it vërehet se 61.8% e shërbimeve të dializës bëhen në spitale private. Nga 8 spitale private që FSDKSH ka kontratë, 7 prej tyre janë pjesë e Spitalit Amerikan dhe Hygeia. Ndërkohë 32.7% e shërbimeve të tjera të dializës ofrohen nga koncesionari “DiaVita”, aksionet e së cilës zotëroheshin nga Spitali Amerikan. Kjo konfirmohet dhe në një tjetër hetim të AK të datës 4 tetor 2018, ku thuhet shprehimisht se “për koncesionin e dializës Spitali Amerikan është përfituesi më i madh fondeve buxhetore për këtë shërbim dhe nëpërmjet shoqërisë DiaVita SHPK, e cila zotërohet në 15% të kuotave nga Spitali Amerikan.”
Nga 2018-ta institucionet shtetërore nuk reflektuan që të sjellin konkurrencë të drejtë në treg. Ajo çfarë ndryshoi ishte vetëm pronësia e shoqërisë koncesionare “Diavita”. Spitali Amerikan hoqi dorë nga aksionet dhe ato iu transferuan shoqërisë suedeze “Diaverum International AB”. Një dokumentar investigativ i “Inside Story” zbuloi se Klodian Shehi, administrator i kësaj kompanie është kunati i Klodian Allajbeut, përfaqësues i shoqërisë që zotëron Spitalin Amerikan dhe Hygeia.
Por, asgjë nuk përfundon këtu. KLSH thekson në raportin e saj që ka bërë në institucionin e FSKDSH-së në shtator të 2023-it evidenton se koncesionari i shërbimit të dializës “Diavita” paguhet nga shteti për shërbime të faturuara dhe jo për ato që ka kryer. Në këto kushte i ka shkaktuar një dëm buxhetit prej 955 mijë eurosh në vetëm një vit, për shërbime që nuk i ka kryer.
FSDKSH i është kërkuar ngritja e një grupi pune, për të negociuar me koncesionarin, që të paguhet vetëm për shërbimet e kryera, por asnjë veprim nuk është ndërmarrë nga institucioni shtetëror.
Në 2022, FSDKSH harxhoi gati 30 milionë euro për financimin e shërbimeve spitalore. Shuma është rritur me 40% nga 2016-ta, ndërsa përfituesi më të mëdhenj ka qenë pikërisht oligopoli i krijuar nga shoqëritë “Diaverum International” dhe “Balkan Alliance Healthcare” në pronësi të Klodian Allajbeut. /Top channel/
Lajme të tjera
-
Abstenoi komisionin hetimor për 'Shëndetësinë', Braçe për Report Tv: Berisha u tërhoq nga hetimi i dy koncesioneve klienteliste! Hemodializa e laboratorët, të lidhura me Allajbeun
22 Mars, 11:20 -
Vdekja në Spitalin Amerikan/ Shqiptarja.com siguron faturat! Irida dha 404 mijë lekë për operacionin që i mori jetën! Pagesa e fundit u bë 1 orë para mesnatës!
8 Shkurt, 14:28 -
Vdiq pas operacionit në spitalin Amerikan 2! Iridës i jepet lamtumira në Lushnje
1 Shkurt, 12:31 -
E reja me tumor vdiq pas operacionit te spitali ‘Amerikan’, në hetim 2 mjekë e anestezisti! Sekuestrohet kartela klinike
1 Shkurt, 12:18
-
Tiranë/ E reja vdes në spitalin Amerikan 2, i bënë ndërhyrje estetike edhe pse ishte me kancer! Operacioni kushtoi 4 mijë euro! Pagesa u kërkua në mesnatë (EMRI)
31 Janar, 10:21 -
Carlo Bollino: Ato 6 orë dhe 20.000 euro për të shpëtuar jetën, nga QSUT në trotuarin përballë
31 Korrik 2023, 17:54
-
Operimi i Genc Fugës në spital privat, mjeku: Skandal, duhet reformim i sistemit shëndetësor! Pse hesht Ministria e Shëndetësisë?
31 Korrik 2023, 09:55 -
Genc Fuga goditje në tru, operohet për 19 mijë euro te spitali Amerikan! Shehu denoncon: Kriminale që disa ndërhyrje nuk realizohen në QSUT, shteti të mbulojë shpenzimet
30 Korrik 2023, 09:47 -
Skandali në Itali, kush është profesori që 'i shiti' diplomën Guvernatorit italian, i lidhur ngushtë me Klodian Allajbeun
23 Shkurt 2023, 13:15 -
PD: Qeveria po përdor teste serologjike false? Rezultati del ndryshe në QSUT nga spitali privat
5 Gusht 2020, 15:00 -
Çmime abuzive nga farmacitë? Autoriteti i Konkurrencës thirrje konsumatorëve: Sillni faturat
14 Mars 2020, 16:16
