TIRANË- Sot u konfirmuan dy qytetarët e infektuar me Omicron, megjithatë varianti i ri i koronavirusit qarkullon në vendin tonë prej dy-tre javësh. Zv.ministrja e Shëndetësisë, Mira Rakacolli tha në Studio Live në 'Report Tv' se Tirana është qyteti parë që preket nga Omicroni pasi dy rastet e reja janë pikërisht nga kryeqyteti. Dy personat e infektuar kishin udhëtuar në vendet e Bashkimit Europian dhe pas testimit në laboratorët gjerman rezultuan mbartës.
"Dyshimet për variantin Omicron kanë disa kohë që janë ngritur por duhej konfirmimi marrë në laboratorë që janë të specifikuar. Çuam në laboratorin e certifikuar në Gjermani 241 mostra nga të cilat dy rezultuan pozitive me prezencën e variantit Omicron dhe janë të dy nga qyteti i Tiranës. I konfirmuar është tani, por që ta marrësh me kohën që janë marrë mostrat kanë nja dy tre javë që janë marrë. Është rast i importuar sepse personat e identifikuar kanë pasur udhëtim në BE", tha Rakacolli për Report Tv.
Në një intervistë për gazetarin Arbër Hitaj, shefja e Komitetit Teknik të Ekspertëve shpjegoi se Omicron e ka transmetueshmërinë më të lartë, por është më pak agresiv krahasuar me Deltën. Rakacolli theksoi se jo të gjithë personat mund ta kalojnë lehtë Omicronin.
"Deri tani mendohet që është e sigurt që infektueshmëria është më e madhe, por po mendohet që shenjat janë më pak agresive. Një shumicë e njerëzve e kalojnë lehtë, por jo të gjithë e kalojnë lehtë. Nëse një përqindje e caktuar e njerëzve që infektoheshin me delta, një pjesë e tyre e kalonin lehtë, ndërsa përqindja e atyre që e kalojnë lehtë Omicron është më e madhe", u shpreh shefja Komitetit Teknik të Ekspertëve.
Duke u ndalur në vaksinimin e qytetarëve, Rakacolli tregoi se rreth 50% e popullsisë është e vaksinuar me një dozë. Ajo tha se Bashkia e Kamzës dhe e Klosit janë më problematiket pasi niveli i vaksinimit është i ulët, ndërkohë që Bashkia e Sarandës dhe Himarës kanë shifra të larta, rreth 80%.
"Rreth 50% e popullsisë së targetuar, mbi 16 vjeç, janë të vaksinuar me të paktën një dozë, pak më ulët janë me të dy dozat, por ka Bashki të tilla. Me Tiranën jemi mirë, është 58% e popullsisë e vaksinuar, ndërkohë që kemi edhe Bashki më të mira si ajo, Himarë apo Saranda janë vaksinuar rreth 80%. Bashkia e Kamzës ka probleme, nuk është në ato shifra që duhet të jenë. Ka një përmirësim. Klosi nuk është mirë. Në këtë dy javët e fundit vihet re një tendencë pozitive", vijoi ajo.
Komiteti Teknik i Ekspertëve u mblodh ditën e sotme dhe bëri me dije se Omicron është identifikuar në vendin tonë. Pavarësisht shfaqjes së variantit të ri të COVID, Komiteti i Ekspertëve njoftoi se nuk do të ketë ashpërsim masash për parandalimin e përhapjes së koronavirusit me argumentin se masat që janë në fuqi mjaftojnë për të kontrolluar situatën.
Lajme të tjera
-
Peripecitë për familjet me të sëmurë të shëndetit mendor në shtëpi! Report Tv sjell historinë e Fatbardhës: U sëmur kur lindi, s’ merr mjekimin
25 Shkurt, 17:40
-
Ekskluzive/ Nga 1 shkurti konsultë në shtet me mjekun jashtë orarit, Rakacolli zbulon sa do jetë tarifa në spitalin e Fierit
30 Janar, 15:01
-
Shqiptarët paguan nga xhepi 141 mln euro për blerjen e produkteve farmaceutike më 2023, financuan 55% të konsumit
29 Janar, 11:02 -
Për 2023 sëmundshmëria kronike u rrit 5,9%, shkak plakja e popullsisë dhe pasojat e Covid
23 Janar, 07:37 -
Shëndetësia 2024/ 100 çifte do përfitojnë nga fertilizimi invitro në shtet! Paruke e protezë falas për gratë me kancer gjiri! Prindërit kërkojnë ilaçe për fëmijët me fibrozë cistike
15 Nëntor 2023, 18:49 -
5 vite punë në Shqipëri, studentët protestë para Kuvendit kundër ligjit: Do ta dërgojmë në Kushtetuese! Zv. ministrja: Ligji i konsultuar gjerësisht, s’ka kthim pas
20 Korrik 2023, 09:24 -
Shtrimet në spitale gjatë 2022 u shtuan me 8% pas pandemisë! Zemra dhe shëndeti mendor problemet kryesore
4 Maj 2023, 20:19
-
Ministrja e Shëndetësisë: Kardiologjia nuk është ndërprerë për rastet emergjente! Nga shkurti, fisha diabeti falas për mbi 65-vjeçarët
10 Janar 2023, 11:17 -
COVID-19/ Dollenberg: Europa në gjendje stabël, Shqipëria të vendosë testin për udhëtarët nga Kina
5 Janar 2023, 20:32 -
Dita Botërore e Diabetit, në Shqipëri rreth 80 mijë raste! Diabeti i tipit 2 prek në masë fëmijët! 61-vjeçarja: E mësova se isha sëmurë rastësisht
14 Nëntor 2022, 16:32
-
Asnjë humbje jetë nga COVID në vend, regjistrohen 13 qytetarë të infektuar në 24 orë
12 Nëntor 2022, 17:25 -
Ministrja e Shëndetësisë: 83 mijë qytetarë të vaksinuar kundër gripit, brenda nëntorit vijnë 700 mijë doza booster të vaksinës anti-covid
4 Nëntor 2022, 13:50
