Operacioni për heqjen e kamerave, eksperti i kriminalistikës: Grupeve kriminale nuk u mungojnë informatorët në radhët e policisë

TIRANË- Policia ka nisur një operacion në shkallë të gjerë në të gjithë vendin çmontimin e kamerave të sigurisë të vendosura në mënyrë të paligjshme, të cilat përdoreshin nga grupet kriminale për të vëzhguar rivalët dhe Policinë.

 Eksperti i kriminalistikës Artan Rexhepi i ftuar në Report Tv thotë se problemi që del nga ky operacion është ai i mosmonitorimit i territorit. I ftuar në emisionin Shtypi i Ditës me gazetarin Andi Kapxhiu, eksperti tha se policia duhej të vinte masa administrative për inspektorët në zonat të cilat u gjetën kamerat.

“Problemi kryesor që del është mosmonitorimi i territorit. Zona ka një inspektor krimeve dhe një specialist të zonës, në këtë kuadër krahas zbulimit të këtyre kamerave ishte e detyrueshme që policia të dilte me masa administrative ndaj personave në zonat ku janë gjetur kamerat”, tha Rexhepi.

LEXO EDHE:
Ekskluzive/ 'Frontline' rindërton skenën e atentatit ndaj Gentian Bejtjas në Fushë Krujë (Video)

Ndonëse policia deri më tani ka hequr kamera në shumë qytete, eksperti thotë se grupeve kriminale nuk u mungojnë informatorët, e madje shpesh në shërbim të tyre janë edhe efektivët e policisë.

“Si vepër pasja e kamerave dhe nëse janë monitoruar strukturat e policisë është e rëndë. Që janë ca kamera të paligjshme nuk është kaq e rëndë. Pozitiv është ky lloj reagimi. Njerëz të njohur të botës së krimit s’kanë pse të kenë monitorim të territorit. Të paktën policia ka dijeni që në operacione mund të jetë e monitoruar dhe të marrë masa që edhe përse të jetë e monitoruar të ketë rezultate. Ne kapëm ca kamera në pika të dukshme, por teknologjia ka ecur mund të ketë kamera të sofistikuara të fshehta që nuk kapen. Krimit nuk i mungojnë informatorët në radhët e policisë, shpesh kanë qenë në shërbim të tyre”, tha Rexhepi.

SI.E./r.k./Shqiptarja.com

TAG:
• shtypi i dites dhe ju
• artan rexhepi
• kamerat spiune te krimit