POP 5

Lajmet më të lexuara të 5 minutave të fundit

Kronikë

Operacioni 'Tempulli', në pranga 29-vjeçari! Shkon në 94 numri i të ndaluarve në Tiranë

Një 29-vjeçar i shpallur në kërkim në kuadër të operacionit ‘Tempulli’ ka rënë në pranga në Tiranë. Me arrestimin e tij numri i të ndaluarve për qytetin e Tiranës ka shkuar në 94.

Operacioni 'Tempulli', në pranga 29-vjeçari! Shkon në 94 numri i të ndaluarve në Tiranë

Foto nga operacioni 'Tempulli' (arkiv)

TIRANË- Një tjetër person i shpallur në kërkim në kuadër të operacionit ‘Tempulli’ ka rënë në pranga në Tiranë. Bëhet fjalë për një 29-vjeçar, A. Sh., për të cilin gjykata e Tiranës ka caktuar masën e sigurisë "Arrest në burg", për veprën penale "Prodhimi dhe shitja e narkotikëve". Me arrestimit e 29-vjeçarit, numri i të ndaluarve për qytetin e Tiranës ka shkuar në 94.

Shërbimet e Komisariatit të Policisë Nr. 3, në bashkëpunim me shërbimet e Seksionit për Hetimin e Narkotikëve, në vijim të megaoperacionit policor mbarëkombëtar të koduar "Tempulli", bazuar dhe në inteligjencën informative, për vendndodhjen e një shtetasi të shpallur në kërkim në kuadër të këtij megaoperacioni, kanë intensifikuar kontrollet për kapjen dhe vënien e tij përpara përgjegjësisë ligjore.

Si rezultat, në rrugën "Mine Peza", është lokalizuar, kapur dhe vënë në pranga shtetasi A. Sh., 29 vjeç, banues në Tiranë, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë "Arrest në burg", për veprën penale "Prodhimi dhe shitja e narkotikëve", njofton policia.

Në kuadër të megaoperacionit të nisur prej 14 shtatorit 2023 deri tani janë arrestuar rreth 240 persona në mbarë vendin për shpërndarje drogash pranë shkollave dhe lokaleve të frekuentuara nga të rinjtë. 23 grupe kriminale u shkatërruan në megaoperacioni i zhvilluar në 5 qarqe të ndryshme të vendit, Tiranë, Durrës, Korçë, Vlorë dhe Elbasan.

Më parë, gjatë zhvillimit të këtij operacioni, janë sekuestruar 10 kg lëndë e dyshuar narkotike cannabis sativa, 3.7 kg kokainë, 150 doza heroine, 1 armë zjarri pistoletë, 12 automjete, 78 celularë, 12 peshore elektronike, 3 motomjete, 30 000 euro, 6000 paund, 4 500 000 lekë dhe 12 targa automjetesh.

 

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • edmond (koder rreshen): 21/09/2023 08:45

    "Po lutemi" qe ky megaoperacioni tempulli i Taulantit,mos te na dali si mega operacioni Lazarati i Tahirit,d.m.th hiqja njeres zon biznesin,dhe jepja zones tjeter ?

    Përgjigju
  • Sondazhi i ditës:

    A jeni dakord që personat e së njëjtës gjini të martohen ligjërisht?

Lajme të tjera



×

Lajmi i fundit

Nga sheshi 'Skënderbej' në Tiranë, nis turi i 81-të çiklistik i Shqipërisë! Mësoni pesë etapat

Nga sheshi 'Skënderbej' në Tiranë, nis turi i 81-të çiklistik i Shqipërisë! Mësoni pesë etapat

20 Maj, 12:22