POP 5

Lajmet më të lexuara të 5 minutave të fundit

Bota

Opozita çeke fiton ndaj partisë së kryeministrit Babis

PRAGË - Sipas rezultateve pothuajse përfundimtare të votimit, grupi opozitar ‘Së Bashku’ i qendrës së djathtë çeke doli fitues ndaj partisë ANO të kryeministrit Andrej Babis në zgjedhjet parlamentare të shtunën në Republikën Çeke.

PRAGË - Sipas rezultateve pothuajse përfundimtare të votimit, grupi opozitar ‘Së Bashku’ i qendrës së djathtë çeke doli fitues ndaj partisë ANO të kryeministrit Andrej Babis në zgjedhjet parlamentare të shtunën në Republikën Çeke.

Sipas një llogaritjeje nga Televizioni Çek, grupi opozitar ‘Së Bashku’ dhe një grup tjetër opozitar liberalë janë në rrugën e duhur për të fituar një total prej 108 vendesh në dhomën e ulët të parlamentit prej 200 vendesh.

Kjo u jep dy partive një shans për të formuar një qeveri për të zëvendësuar kryeministrin Babis dhe dy partitë e tij aleate, të cilat nuk arritën të fitojnë vota të mjafteshme për të hyrë në parlament në zgjedhjet dy-ditore që përfunduan mesditën e së shtunës.

Babis, 67 vjeç, u përball me kritikat gjatë fushatës për keqmenaxhim të pandemisë së koronavirusit, për rritjen e shpejtë të borxhit dhe për përdorimin e detyrës për interesat e biznesit të tij. Babis i mohon të gjitha akuzat.

Rezultatet nga 98.3% qendrat e votimit treguan se grupi ‘Së Bashku” ka fituar 27.49% të votave kundrejt, parties ANO me 27.39% dhe grupit liberalë me 15.39%.

"Opozita demokratike do të ketë shumicën dhe kjo do të shënojë fundin e dominimit të Andrej Babis," tha shefi i parties liberale Ivan Bartos. "Sonte ne ... ndoshta do të fillojmë bisedimet me koalicionin tjetër mbi mundësinë e formimit të qeverisë së ardhshme".

Koalicionet refuzojnë të bashkëpunojnë me Adrej Babis për shkak të atyre që ata thonë se janë konflikte të papranueshme të interesit që lidhen me perandorinë e biznesit që ai krijoi para se të hynte në politikë.

Opozita është zotuar të shkurtojë deficitin buxhetor dhe të përmirësojë transparencën e qeverisë./VOA

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55