POP 5

Lajmet më të lexuara të 5 minutave të fundit

Politikë

Opozita ‘ndahet’ edhe për ‘Onkologjikun’! 2 kërkesa për interpelancë me ministren

2 kërkesa për interpelancë me ministren e Shëndetësisë janë depozituar me urgjencë nga opozita në Kuvend për të dhënë llogari mbi skandalin te onkologjiku. Gazmend Bardhi tha se ministrja nuk mund të mjaftohet me deklarata, por duhet të mbajë përgjegjësi pasi rasti nuk është i izoluar

Duke e konsideruar një skandal të përmasave të mëdha, zbulimin e një ditë më parë të abuzimit të disa mjekëve të Onkologjikut me shërbimin ndaj pacientëve,  Partia Demokratike depozitoi me urgjencë dy kërkesa për interpelancë me ministren e Shëndetësisë Albana Koçiu.

Kreu i Grupit parlamentar demokrat Gazment Bardhi tha se ministrja nuk mund të mjaftohet me dënimin e mjekëve por duhet të mbajë përgjegjësi.

“Grupi ka miratuar kërkesën për një interpelancë me ministren Koçiu, në seancën e ardhshme, për t’iu përgjigjur papërgjegjshmërinë që ka udhëhequr ministrin në trajtimin e këtij problemi. Skandali nuk është rast i veçuar, por një skemë e plotë e iniciuar nga drejtuesit politikë në Shëndetësi. Ministri ka pasur në dorë raportet e KLSH, ku nuk është marrë asnjë masë. Ka pasur denoncime nga opozita dhe gazetarë e ka pasur zero veprime nga MSH”, tha Gazmend Bardhi.

Kërkesa e dytë u bë nga deputeti Arbi Agalliu që kërkon që ministrja të qartësojë menjëherë arsyet se pse nuk ka funksionuar sistemi i mbrojtjes së pacientëve dhe pse kjo skemë korruptive është e shtrirë në kohë.

Më herët në një deklaratë për mediat, edhe kryetarja e Komisionit të Shëndetësisë Zheni Gjergji paralajmëroi se skandali te Onkologjiku nuk është rast i izoluar ndërsa drejtësia duhet të shkojë deri te kryeministri Edi Rama.

G.M./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Censi 2023, popullsia u tkurr me 419 mijë në 12 vite, cili është shkaku?

Lajme të tjera



×

Lajmi i fundit

Vlorë/ Flamurtari dhe Barcelona rikthejnë ndeshjet ikonë pas 37 vitesh, legjendat spanjolle fitojnë 5-1! Atmosferë e zjarrtë në stadium, ndeshja e radhës në Spanjë

Vlorë/ Flamurtari dhe Barcelona rikthejnë ndeshjet ikonë pas 37 vitesh, legjendat spanjolle fitojnë 5-1! Atmosferë e zjarrtë në stadium, ndeshja e radhës në Spanjë

29 Qershor, 21:51 nga Armand Xhelili