Orkestra popullore greke “Miki Theothorakis” ka rrëmbyer zemrat e publikut shqiptar me koncertin e kësaj të shtune në Tiranë. Ky fluks i pazakontë i publikut vetëm pak minuta para shfaqjes në Qendrën Kulturore të Katedrales “Ngjallja e Krishtit”, nuk ishte gjë tjetër veçse një etje e fortë për të ndjekur magjinë muzikore të kompozitorit të madh Miki Thedhorakis. Sofia Papazoglu dhe Kostas Makedhonas kanë kënduar këngët e tij. Orkestra një pasion më vete, drithëruese.

Salla e madhe e mbushur plot me zonja e zotërinj të lumtur, të rinj e të reja, ku një pjesë e ndiqnin me kënaqësi edhe në këmbë këtë koncert, elektrizohet. Ishte ndjesi e rrallë kur dëgjoje jehonën e tragjedive të Olimpit të lashtë grek. Kjo muzikë vjen bashkë me jehonën perlave të melosit ballkanik.

Një tjetër muzikë vjen e frymëzuar nga shpirti i poetëve të mëdhenj kombëtarë e botëror si Janis Ricos, Taso Livadhisis e të tjerë. Këndohen arkipelagjet, liturgjitë, muzika e filmave. Duart, mendnja dhe zemra e Mikis janë aty në këtë koncert. Zëri i tij përcillet nga dallgët muzikore të kësaj orkestre që është pagëzuar me emrin e Mikis Theodhorakis

Koncertin e kanë përshëndetur edhe Hirësia e tij Janullatos, i cili tha se e verteta, por sidomos dashuria jane dy prej shtyllave te rendesishme te bashkejeteses fetare. E pranishme dhe vajza kompozitorit të madh, që lexoi përshëndetjen e Theodhorakis. Në pamundësi për të ardhur në Tiranë ai ka shprehur ndjenjat më të thella miqësore drejt popullit shqiptar. “Vallja e Zorbës” ishte edhe fundi i lumtur i këtij koncerti.

[gallery]24755[/gallery]

d.c./shqiptarja.com