TIRANE- Melita D., nëna e një prej 15 vjeçarëve, të cilët tre ditë më parë kanë denoncuar në polici një 76 vjeçar se janë abuzuar seksualisht prej tij, shprehet se i biri në fillim nuk u ka treguar të vërtetën. Në një intervistë për gazetën ‘Shqiptarja.com’ ajo tregon se ngjarjen e ka marrë vesh nga policia.

“Ngjarjen e kam marrë vesh kur më ka marë policia në telefon, pasi djali kishte shkuar atje. Kur e pashë me një shokun e tij mendova se mos kishte bërë ndonjë gjë të keqe, por më vonë kam marrë vesh gjithçka kishte ndodhur”, shprehet ajo për gazetën.