TETOVË - Dy ditë pas reshjet katastrofike në Tetovë, situata ende nuk është normalizuar plotësisht. Ekipet e shpëtimit janë duke punuar në mënyrë intensive në katin e poshtëm të shtëpisë së Afrim Ametit  ku supozohet se gjendet trupi i vajzës të tij 6 vjeçare, Rinës. 

Pjesëtar të ushtrisë dhe banorët lokal me lopata dhe kazma dhe mjete tjera pune po përpiqen për t’i hequr gurët dhe rërën nga dhomat e shtëpisë.
 
Së bashku me këtë ekip është edhe babai i vajzës së vogël e cila po kërkohet, raporton agjencia e lajmeve INA.
Ai pa pushim po gërmon me shpresën se do ta gjejnë atë.
 
Redaksia Online
(a.h/shqiptarja.com)