Udhëtoi nga Amerika dhe u zhduk sapo mbërriti në Rinas gjendet pas 5 muajve Jetmir Shehu.Falë publikimit të rastit në emisionin ‘Pa Gjurmë‘, në Report TV ku mbërritën live me dhjetra telefonata, njëra prej tyre lokalizoi ekzaktësisht vendndodhjen e të riut. Babai i 32-vjeçarit foli live nga studio me dëshmitarin në telefon, ndërsa stafi i programit u nis menjëherë në terren bashkë me familjarët në vendqëndrimin e autobusëve dhe furgonave në Terminalin e Kamzës, aty ku i riu u gjet. Në mes të errësirës, në një zonë gjysëm të ndriçuar, ndërsa ora shënonte 17:43, pak sekonda ndanin përballjen e prindërve me shfaqjen e portretit të djalit për të cilin kishte folur dëshmitari. Kur nëna e njohu menjëherë të birin, emocione të forta përjetuan të gjithë, kur me lot gëzimi ajo i dha një përqafim plot mall. Jetmiri shtangu, sapo pa familjarët dhe reagimi ndaj tyre ishte i akullt. Nga një djalë i rritur në Amerikë prej 20 vitesh dhe i arsimuar në fushën e mjekësisë, për 5 muaj me radhë Jetmiri ishte strehuar në zonën e Kamzës në kryeqytet, në një godinë të braktisur. Me një pamje të ndryshuar dhe me mjekër gjendja e tij emocionale dukej e rënduar, ndërsa mbante veshur një palë pantallona të shkurtra dhe një jelek. Fjalëpak dhe i habitur, në intervistën që dha për gazetaren e ’Pa gjurmë’ Xhilda Durishti, 32-vjeçari dukej thuajse i përhumbur.
Gazetarja: Jetmir quhesh ?
Jetmir Shehu: Po Jetmiri jam
Gazetarja: Po kërkoheshit në studion e emisionit 'Pa Gjurmë'
Jetmir Shehu: Po
Gazetarja: Nuk keni pasur kontakt me familjarët ?
Jetmir Shehu: Po, korrekt
Gazetarja: Të kishte marë malli për familjarët t’i takoje ?
Jetmir Shehu: Jo. M’ka marr malli për gruan time të vërtetë
Babai i një vajze 3 vjeçe, Jetmir Shehu jetonte prej vitit 2000 në Chicago të Amerikës, bashkë me familjen e tij fitues të llotarisë Amerikane. Prej një viti ai ishte në prag divorci me bashkëshorten e tij, Besianën. Për shkak të pandemisë çështja mbeti pezull, ndërsa kjo ndarje edhe pse jo ende ligjërisht, u përjetua keq nga Jetmiri. Ai u kthye në shtëpinë e prindërve nga ku kaloi një situatë të vështirë depresioni. Ky ishte momenti, kur ai vendos të kthehet në Shqipëri dhe kur sistemi TIMS zbuloi se ai kishte hyrë më datë 19 qershor 2021, nga aeroporti i Rinasit. Familjarët kishin bërë denoncimin në policinë, madje i kishin dërguar edhe një kërkesë Ambasadës Amerikane në Tiranë por nuk kishin marrë asnjë informacion zyrtar. 24 orë pas gjetjes së të birit, babai i tij Gëzim Shehu u shpreh i lumtur, ndërsa tregoi për hezitimin që pati në fillim për t’ju drejtuar emisionit ‘Pa Gjurmë‘, i cili me gjetjen e të birit e bëri të ndryshonte mendim.
Fillimisht unë nuk pata besim tek ju, por e pashë punën që bënit. Nderi im do ishte të isha në emision, t'ju falenderoja të gjithëve ju. Por për momentin unë jam në Fier bashkë me djalin. Ju kërkoj ndjesë, pasi e kisha të pamundur të shkëputesha prej tij në këto momente. Ju jeni të mrekullueshëm, se problemin e ndiqni deri në fund. Shqiptarët janë të mrekullueshëm. Dua të falenderoj të gjithëve ju që dhatë kontributin në gjetjen e djalit tim.
Edhe pse e patën të vështirë, familjarët arritën ta bindnin për ta marrë me vete Jetmirin, pasi ky i fundit nuk pranonte për shkak të problemeve që kishte shfaqur. Të lumtur që më në fund arritëm të bashkonim këtë familje, emisioni 'Pa Gjurmë' vijon misionin e tij me të tjera histori prekëse.
Emisioni i plotë
Lajme të tjera
-
Salianji çon raportin e Komisionit për TIMS në SPAK: U ndërhy nga persona të paautorizuar! Pas skandalit Balla e Çuçi ikën, Rrumbullaku u dorëhoq, Muça në arrest
6 Shtator, 14:06 -
‘TIMS’/ Kuvendi miraton me 76 vota pro raportin e PS! Salianji: Gjetjet tona i çojmë në SPAK, kush i bën emërimet e paligjshme në Polici?
26 Korrik, 22:58 -
PD kërkon zgjatjen e hetimit për komisionin 'TIMS': Të thërrasim edhe Ramën! Salianji: Të dhëna të llahtarshme
15 Korrik, 10:26 -
Historia në Lushnje/ Në burg për përdhunimin e një vajze, fëmijët e 63 vjeçarit në 'Pa Gjurmë' kërkojnë drejtësi për të atin
12 Korrik, 17:28 -
TIMS/ Dëshmon me dyer të mbyllura drejtoresha e SHISH! Hyseni hedh poshtë akuzat e Salianjit: S'jam shmangur, isha në Bruksel
2 Korrik, 10:52 -
Salianji zbardh dëshminë e Ervin Muçës në Komisionin TIMS: Sistemi mund të jetë përdorur nga persona të krimit të organizuar
26 Qershor, 13:03
-
Mblidhet 'TIMS'/ Drejtoresha e SHISH nuk paraqitet, Salianji: Nuk është datë dasme, e papranueshme të thuhet 'nuk vij se kam punë'
26 Qershor, 11:40 -
Skandali tek Onkologjiku/ Koduzi në 'Repolitix': Shërbimi më i keqfinancuar! Gazetarja: Mjeku denoncoi rrezatimin e Kobalto Terapisë, u detyrua të linte punën
25 Qershor, 21:46 -
U gjet i pajetë me tatuazhin ‘Korça’ në Belgjikë, thirrje për identifikimit e shqiptarit në 'Pa Gjurmë’! Mister shkaqet e vdekjes, dyshohet se familja ndodhet në Shqipëri
25 Qershor, 16:27 -
‘TIMS’/ Balla, Rrumbullaku e Ervin Muça 12 orë dëshmi me dyer të mbyllura! Salianji: Zbuluam të dhëna befasuese, i publikojmë shumë shpejt
5 Qershor, 08:53 -
Komisioni ‘Tims’ mbyll dyert/ Dëshmon për 3 orë Balla! Rrumbullaku: ‘Rrëfej’ sekrete hetimore! Salianji: Doni ta bëni mbledhjen në terr
4 Qershor, 15:26 -
Agjencia e Inteligjencës së Mbrojtjes kërkon akses në TIMS! Drejtori: Po s’erdhi në kohë, informacioni s’ka vlerë
3 Qershor, 17:06
