35 vite nuk pati asnjë kontakt me nënën që e solli në jetë, falë ’Pa Gjurmë’ në Report TV njeh për herë të parë imazhin e saj. Kjo ëndërr e bërë realitet përloti në studio Aleksandër Çokën dhe jo vetëm, historia prekëse e tij përcolli live mjaft emocione. Pak ditë më parë i riu nga Kukësi iu drejtua programit, ku kërkonte të gjente rrënjët biologjike, pasi u braktis nga L.Ç ditën që e lindi më 27 prill të vitit 1986. Rrëfimi prekës i të riut që u birësua nga çifti Xhem e Fatime Çoka solli reagimin e mjaft qytetarëve, të cilët më dëshmitë e tyre dhanë informacione të vlefshme mbi këtë histori.
Kjo bëri që stafi ’Pa Gjurmë’ të niste kërkimet fillimisht në qytetin e Shkodrës, aty ku gjeti trungun familjar të familjes Çekiçi. Pal Çekiçi, daja i Aleksandërit, e priti ftohtë takimin me gazetarët. Biseda me të nuk ishte e lehtë, pasi kontaktet ishin ndërprerë që ditën kur e motra u mohua prej familjes. Ai nuk dinte çfarë kishte ndodhur me jetën e saj, por dha një vendndodhje të mundshme të së motrës.
Sapo kishte rënë errësira, pas disa orë kërkimesh gjendet banesa e 62-vjeçares në Fushë-Arrëz, e cila u shokua nga kjo vizitë e papritur. Fjalëpak, ajo nuk e fshehu brengën për djalin që e la 35 vite më parë në shtëpinë e fëmijës Shkodër, por për të ky kishte qenë sekreti i jetës.
Jam e shokuar sepse nuk e prisja vizitën tuaj. Ky ka qënë një sekret nga ana ime, nuk e kam ndarë me askënd. Unë jetoj vetëm, pasi burri më ka vdekur. Kam edhe tre fëmijë të tjerë. Mua me braktisën kur mbeta shtatzënë para 35 vitesh. Në fillim ishte babai i fëmijës dhe më pas familja ime. Unë kam humbur cdo kontakt me familjen time. Nuk di cfarë të them…nuk e mohoj dot atë fëmijë…’-duke fshirë lotët shprehet nëna biologjike e Aleksandërit.
Ajo nuk nguroi të ngrinte receptorin e telefonit në minutata e fundit të programit për t'i dëgjuar zërin të birit, ku ky i fundit iu drejtua me fjalë zemre.
Aleksandër Çoka: Jam shumë i lumtur që të gjeta (loton)
L.Ç: Të lutem e kam shumë të vështirë të flas
Aleksandër Çoka: Unë të dua shumë
L.Ç: Edhe unë të kam pasur gjithmonë në zemër, por kam pasur të tjera shqetësime
Aleksandër Çoka: Nuk të gjykoj për asgjë nënë
Moment prekës ishte edhe ai kur moderatorja Odeta Dume i tregoi fotot e nënës, ku 35-vjeçari nuk mundi t’i mbante lotët.
Aleksandër Çoka ka humbur nga kjo jetë të dy prindërit birësues dhe sot jeton i vetëm. Ai punon në një kompani private, ndërsa mbështetje të madhe ka dajën nga nëna birësuese, i cili e ndihmoi gjatë në përpjekjet e tij të vazhdueshme për gjetjen e nënës biologjike. Mesa dukej në gjithë këtë histori, një fëmijë i pafajshëm si ai kishte qenë ’shkaktari’ i braktisjeve te njëpasnjëshme, burri braktisi gruan shtatzënë, familja dëboi nga shtëpia nënën, dhe kjo e fundit foshnjen në jetimore. Nje mision i mbyllur me sukses ky i sotmi, duke falenderuar gjithë shikuesit e ekranit të Report Tv që ndihmuan me informacione dhe bënë të lumtur jetimin nga Kukësi.
Emisioni i plote dhe momente prej tij
Komente
Lajme të tjera
-
Historia në Lushnje/ Në burg për përdhunimin e një vajze, fëmijët e 63 vjeçarit në 'Pa Gjurmë' kërkojnë drejtësi për të atin
12 Korrik, 17:28 -
Skandali tek Onkologjiku/ Koduzi në 'Repolitix': Shërbimi më i keqfinancuar! Gazetarja: Mjeku denoncoi rrezatimin e Kobalto Terapisë, u detyrua të linte punën
25 Qershor, 21:46 -
U gjet i pajetë me tatuazhin ‘Korça’ në Belgjikë, thirrje për identifikimit e shqiptarit në 'Pa Gjurmë’! Mister shkaqet e vdekjes, dyshohet se familja ndodhet në Shqipëri
25 Qershor, 16:27 -
Ndodh e papritura në ‘Pa Gjurme’! Nëna dhe babai kërkojnë djalin e humbur, i riu i suprizon live: Jam mirë
29 Maj, 18:10 -
Pas apelit në ‘Pa Gjurmë’, bebja 11 muajshe e braktisur strehohet në Shtëpinë e Foshnjes! Koçiu: E trazuar nga ngjarja! Denonconi çdo rast
10 Prill, 15:53 -
Ekskluzive/ 'O marr atë o vetëflijohem!’ Babai i 14 vjeçares që u martua me 35 vjeçarin flet për ‘Pa Gjurmë’: Ma rrëmbeu, e pranova nga e keqja
12 Janar, 16:52 -
Varrimi i 33 vjeçarit që u vra nga kunati se abuzoi seksualisht me vajzën e tij, mungon motra, gruaja e autorit! Nuk shkojnë as shokët e viktimës: Ndihemi të turpëruar
12 Janar, 16:14 -
29-vjeçari Angjelo Avdiu u gjet i varur në Greqi, i vëllai në ‘Pa Gjurmë’: E njoha vetëm nga çakmaku! Ja çfarë dyshon policia
27 Nëntor 2023, 16:15 -
Gjashtë muaj pas vdekjes së Brisilda Nexhipit, reagon nëna: Vajza nuk bëri aksident, dyshoj se trupi u fsheh në morg!
23 Nëntor 2023, 17:19 -
'Artemis mbahet peng!' Prindërit e 19 vjeçares së zhdukur prej 3 vitesh në Greqi kërkojnë ndihmë në 'Pa Gjurmë'! Letra anonime dhe dëshmitë e reja
1 Nëntor 2023, 18:57 -
Lidhet live nga burgu me ‘Pa Gjurmë’, 37-vjeçari Artur Çollaku kërkon të rilidhet me familjen: Prej 8 vitesh në izolim nuk kam takuar askënd
30 Tetor 2023, 17:10 -
Historia e pabesueshme! U rrëmbye 13 vjeç gjatë luftës në Kosovë, 'Pa Gjurmë' e bashkon me familjen pas 24 vitesh
27 Tetor 2023, 14:15
O Zot, lavdia te qofte! Bej qe ky djale te takoje nenen e tij, qe burri dhe femijet e saj ta pranojne kete djale, sepse eshte bekim! Do ju lutesha familjareve te zonjes, ta pranojne ne gjirin e tyre! Ne familjen tone, axha vdiq nga kanceri kur nusja e tij ishte shtatezane. Ajo u rimartua me bekimin e gjysherve, dhe gjysherit e pranuan deri sa ishin gjalle ate grua bashke me burrin e saj te dyte dhe kemi shkuar e shkojme me ta mjaft mire. Hapini zemren dhe deren ketij djali te mire.
PërgjigjuSIMBAS SHENIMIT,ÇUNI ESHTE ME XHAN TE PASTER,DASHURIA E ÇUNIT PER MEMEN ESHTE PERMALLUES DHE ÇILTERT....POR-AJO E ASHTUQUAJTURA MEME ESHTE NJE DREQ I MASKUAR NE TE THENEN MEME....S'DO TA KETE SIKLET PERSERI PER TA TRADHETUAR ÇUNIN.
PërgjigjuBravoooo emisionit te nderuar,bashkim zemrash,zoti ju rujt.
Përgjigju