POP 5

Lajmet më të lexuara të 5 minutave të fundit

Sociale

Pa shtëpi dhe me frikën e infektimit nga COVID-19/ Familja nga Fushë-Mamurras: Tërmeti dhe virusi na u bë bashkë, s'kemi kushte për të mbajtur higjienën

Të mbetur pa shtëpi që nga tërmeti i 26 nëntorit familja Uka në Fushë-Mamurras jeton ne kushte të mjerueshme dhe me frikën e infektimit nga COVID-19, pasi ka raste edhe në fshatin e  tyre. Kryefamiljari shprehet se e ka të vështirë të gjejë punë. Ndjekim historinë që na sjell gazetari ynë Elvis Hila

FUSHË MAMURRAS- Kjo çadër verore është streha e familjes Uka në Fushë-Mamurras prej afro 5 muajsh.

Tërmeti i 26-nëntorit 2019 shkatërroi plotësisht banesën e tyre. Shenjat janë ende të dukshme...një pjesëz ballkoni që mbeti pa shembur qëndron si relike.

Në kushte aspak të përshtatshme dhe në situatë të vështire ekonomike, gjendja e krijuar nga pandemia COVID-19 ju ka veshtiresuar edhe më shumë jetesën 4 anëtareve të kësaj familje. Për shkak të izolimit, kryefamiljari thotë se ka mbetur pa punë.

"Ka qenë shumë e vështirë, ndaç për punë, për të gjitha, edhe për ndihmat. Shumë e vështirë ka qenë kjo situata edhe tërmeti dhe ky virusi që ra tani, u bën bashkë të dyja. Kam pasur punë me ditë, ku të dalë këtu në fshat", shprehet ai.

Duke qenë se virusi ka prekur edhe fshatin e tyre frika e infektimit është e madhe. Gratë e familjes shprehen se është e v¡shtirë na mbash higjienën në çadër.

"Ça të jetë e shkruar do të bëhet. Pa kushte, pa asgjë, të frikësuar jemi se s'është higjiena e njeriut për të jetuar", thotë e moshuara. 

"Nga virusi jemi shumë të rrezikuar se s'kemi asnjë lloj higjiene, asnjë lloj kushti. Ne s'dalim rrimë në shtëpi", shprehet e zonja e shtëpisë.

Në situatë të ngjashme janë shumë familje të prekura nga tërmeti në Fushë-Mamurras. Gjendja e jashtëzakonshme e krijuar nga pandemia COVID-19 i ka zbehur shpresat e tyre se banesat mund të rindërtohen në një kohë të shpejtë.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet prokurorëve të SPAK-ut t'u jepet e drejta e rikandidimit?

Lajme të tjera



×

Lajmi i fundit

Këto janë ditë që sjellin besim në dashuri... horoskopi për sot

Këto janë ditë që sjellin besim në dashuri... horoskopi për sot

4 Maj, 07:02