POP 5

Lajmet më të lexuara të 5 minutave të fundit

Kronikë

Padi 100 faqëshe në Gjykatë për një media, Bollino: E paguar nga ministra, ish ministra dhe ‘Foltorja’! Denoncoj fenomenin e ‘killerave mediatikë’! Mos paguani gjoba!

Fenomeni "i killerave mediatikë" duhet të marrë fund dhe mënyra më e mirë për ta bërë këtë është rruga ligjore. Ky ishte mesazhi i gazetarit dhe botuesit Carlo Bollino sot nga Gjykata e Tiranës ku njoftoi se dorëzoi një padi ndaj një mediaje online, e cila e bullizon me shkrime-shpifje dhe ofendime prej 7 vitesh. Bollino tha se padia 100-faqëshe është për një media e cila financohet nga të gjitha palët politike, edhe nga ministra e ish-ministra të kësaj mazhorance.

Fenomeni i killerave mediatike duhet të marrë fund dhe mënyra më e mirë për ta bërë këtë është rruga ligjore. Ky ishte mesazhi i gazetarit dhe botuesit Carlo Bollino sot nga Gjykata e Tiranës ku njoftoi se dorëzoi një padi ndaj një mediaje online, e cila e bullizon me shkrime shpifje dhe ofendime prej 7 vitesh. Bollino tha se padia 100-faqëshe është për një media e cila financohet nga të gjitha palët politike, edhe nga ministra e ish-ministra të kësaj mazhorance.

“Jam këtu te gjykata e Tiranës për të dorëzuar një kërkesë-padi ndaj një subjekti dhe ndaj një individi që më bullizon mediatikisht prej 7 vitesh. Jo rastësisht nuk po përmend para jush median, se në fakt as media dhe as botuesi nuk është,thelbi, por ne po flasim për një fenomen. Nuk është e rëndësishme të them këtu emër, që natyrisht është brenda padisë, por për një fenomen që unë e quaj" killer mediatik". 

Në rastin konkret është financuar nga e majta dhe e djathta, pra nga ministrat në fuqi dhe nga ish-ministrat socialistë dhe nga përfaqësuesit e ‘Foltores’ dhe disa eksponentë të opozitës, që paguajnë media të caktuara për të sulmuar ose gazetarë ose biznesmenë edhe politikanë, por mua nuk më intereson shumë të mbroj politikanët. Unë jam në qendër të një sulmi 7-vjeçar dhe jam gazetar relativisht i njohur, imagjinoni se çfarë mund të ndodhë ndaj një qytetari të thjeshtë”, tha Bollino në një prononcim për mediat para Gjykatës së Tiranës.

Botuesi Bollino e kishte një thirrje për të gjithë ata që ndjehen të sulmuar dhe janë viktima të këtyre ‘killerave mediatikë’ siç i quajti ai.

“Unë përfitoj nga prezenca juaj për të bërë një apel për të gjithë ata qytetarë ose biznesmenë që janë viktima të këtij ‘killeri mediatik’. Unë nuk kam lekë për të paguar gjoba dhe unë sugjeroj që të mos paguajnë gjoba asnjëherë sepse sapo mbarojnë lekët, shpifjet dhe fyerjet rifillojnë. Instrumenti i vetëm për t’u mbrojtur nga ky lloj fenomeni është Shteti. Unë kam besim te Shteti. Jam këtu duke dorëzuar një padi, duke kërkuar një dëmshpërblim të konsiderueshëm dhe mendoj se të njëjtën gjë duhet të bëjë çdo qytetar. 
Nuk është e vërtetë që ndaj një media online nuk ka mbrojtje. Shumica e mediave online janë tashmë të regjistruara. Edhe kur shkrimet janë anonime, mjafton që të ketë një pronar të njohur në QKB, pra një subjekt tatimor, për të bërë një padi. Unë këtë po bëj bashkë me avokatin tim dhe shpresoj që edhe qytetarët dhe biznesmenët që janë viktimë e këtyre "killerave mediatikë" të reagojnë në të njëjtën mënyrë. Është e vetmja mënyrë për të mbrojtur median që ka një funksion të shenjtë në demokraci. Liria e shprehjes, liria e medias nuk ka asnjë lidhje me fyerje dhe shpifje.  Nuk ka asnjë shtet që shpifjet dhe fyerjet mbrohen në emër të lirisë”, tha Carlo Bollino.

I pyetur se pse nuk e bën publik emrin e personit që do të padisë Bollino tha se emri dhe faktet janë të gjitha në padinë për më shumë se 100-faqëshe por qëllimi kryesor është denoncimi i fenomenit.

“Nuk e përmend, se s’dua t’i jap kaq shumë rëndësi, emri dhe faktet janë brenda një dosje 100 faqeshe që po dorëzoj. Unë po denoncoj tani në fenomen, ky është vetëm një rast. E kam përzgjedhur këtë rast sepse përveç ripërsëritjes 7-vjeçare, kjo nuk është media opozitare. Kjo është një palo media që merr lekët edhe nga ministrat e qeverisë aktuale edhe nga ish-ministra edhe nga opozita. Pra në këtë rast nuk është një qëndrim politik, por thjesht dëshira për të gjobitur dikë”, përfundoi prononcimin e tij gazetari dhe botuesi Carlo Bollino.

K.T./a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ilirjan: 05/04/2023 05:27

    Kush e do Shqiperine eshte me Carlon. Falemnderit Carlo, kjo beteje eshte ne te miren e te gjithe shqiptareve.

    Përgjigju
  • Kistra: 04/04/2023 22:25

    E kam thene edhe here tjeter, Carlo nuk eshte gazetar apo botues i zakonshem, por misionar! Meriton gjithe respektin, mirenjohjen e solidaritetin tone!

    Përgjigju
  • alfred: 04/04/2023 21:45

    Karlo Bollino me stafin që drejton është një eksperiencë e pakundërshtueshme e gazetarisë shqiptare ,faktor i një KULTURE dhe i një ANALIZE e saktë në gjykimin dhe perceptimin e problemeve politike e sociale me fakte konkrete, një demaskues i guximshëm dhe i paanshëm dhe si gjithmonë një vlerë intelektuale që ja vlen të ndiqet e të informohesh saktësisht, vërtet një shëmbull.

    Përgjigju
  • Hajdari Taveni: 04/04/2023 18:34

    Karlo Bollino brilant si gjithmon po është normale je një njeri me kultur Evropjane, gjithmon i pa anshëm Burr i vërtet , trim, korekt e mbi të gjitha punon me një përkushtim të pa par. Përsa i përket wc publike si Ilir spiun Metaj e Sali Bajgës mos i vër në rangun e njerzve kto lloi flliqsirash. RESPEKT PËR KARLO BOLLINON.

    Përgjigju
  • Arben: 04/04/2023 17:13

    Z.Bolino, ne opinionet e TV, veten Juve ja vlen t'ju degjojme dhe shikojme per pa anesine ne radhe te pare dhe te verteten per ate qe di. Nuk gjen te tjere gazetare ketu qe e duan kete vend sa ti, prandaj jo se eshte e veshtire te perballesh me horra, por e shikoj te pa mundur te zgjidhesh ndonje problem per vete por edhe per qytetaret. Ketu do behet shtet vetem nese krijohet nje gjykate si ajo e Hages. Nuk kane bere asgje Thaçi me shoke ne krahasim me ato qe kane bere ato qe kane drejtuar kere vend per 32 vjet, por ne njefar menyre per shkak te luftes Thaçit me shoke edhe mund t'ju falet ndonje gabim per vete natyren e eger te luftes per çlirimin e kosoves dhe shiko çfar do te thote drejtesi.

    Përgjigju
  • Pano: 04/04/2023 17:04

    Bravo Karlo.Vazhdo te demaskosh keta funderrima te Sali Berishes.Te pergezoj per kurajon fantastike we tregon .

    Përgjigju
  • Emil: 04/04/2023 16:53

    na pastro nga Fundo-rrinat o italjan i mire se keta jane si barerat e keqinj.

    Përgjigju
  • Cubel breca: 04/04/2023 16:49

    Karlo ke shum te drejt. Jo se te bejn gje po te prishin terezin. Keto legena e ren nga fiku s'bejn dot gje se u kan ren dhembet. Mir ben qe keta qener te marin denimin e merituar. Vazhdo diskretitoji e mos i ler qe Kembet tju zen dhe. Keni mbeshtetjen e shumices se popullit vazhdo para. Jeni media me e ndjekur dhe me realistja. Shumica jan sahan lepires dhe prandaj ju sulmojn,ju do beheni edhe me te fort.

    Përgjigju
  • gazetari: 04/04/2023 14:10

    Jepu nje mesim te mire sic ja dhe Berishes.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03