POP 5

Lajmet më të lexuara të 5 minutave të fundit

Kronikë

Padia e kunatit të Bashës ndaj Erion Veliajt për shpifje, kryebashkiaku i Tiranës fiton pafajësi

Kryetari i bashkisë së Tiranës, Erion Veliaj ka fituar gjyqin kundrejt kunatit të Lulzim Bashës, Erion Isufit, pas padisë së këtij të fundit për shpifje nga kryebashkiakut të Tiranës. Erion Veliaj tha gjatë fushatës elektorale se kunati i Bashës, Erion Isufi kishte aplikuar për vilën e 5-të

Padia e kunatit të Bashës ndaj Erion Veliajt për shpifje, kryebashkiaku i Tiranës fiton pafajësi

Erion Isufi dhe Erion Veliaj

Kryebashkiaku Erion Veliaj ka fituar gjyqin në SPAK me kunatin e kryetarit të PD, Lulzim Basha, Erion Isufi. Ky i fundit e kishte paditur Veliajn rreth një vit më parë për shpifje, për pronësinë e 4 vilave në resortet luksoze në Gjirin e Lalzit dhe në Long Hills në Tiranë.

Pas fitoreve me Grida Dumën dhe Jorida Tabakun për shpifje në gjykatë, Veliaj ka fituar edhe gjyqin e radhës me kunatin e Bashës, i cili nuk arriti të provonte dot në SPAK se deklaratat e një viti më parë të Veliajt, se Lulzim Basha zotëron 4 vila dhe kishte aplikuar në bashki për vilën e 5-të, ishin të pavërteta.

Ky vendim i Gjykatës së Posaçme SPAK, e cila hodhi poshtë pretendimet e kunatit të Bashës, në fakt, vërteton indirekt se deklaratat e Veliajt ishin të sakta dhe se vilat në fjalë ekzistojnë.

Në padinë e tij Isufi shprehej se këto deklarata Veliaj i ka bërë më 14 janar 2021 gjatë takimeve elektorale në Tiranë, ndërsa si motiv pretendon se janë akuza me qëllim që të dëmtojë perceptimin e publikut për viktimën e akuzave si familjar i kryetarit të Partisë Demokratike, Lulzim Basha.

“Kunati i Lulit kishte aplikuar në Bashkinë e Tiranës për vilën e pestë – një pafytyrësi! Ti jep njëherë një kuti me ndihma ushqimore apo një kontejneri për familjet e tërmetit. U thashë ta harrojnë lejen për vilën e pestë! Mirë që i shtojnë vilat në vit pandemie, por aplikojnë edhe për një tjetër. Lejen për vilën e pestë do ta marrin vetëm kur të falin një nga katër vilat e tjera. Flasin për varfëri dhe aplikojnë për vila, pafytyrësi”, citonte Isufi si fjalë të Erion Veliaj gjatë takimit elektoral në padinë e tij.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sipas jush, a duhet që KFOR të marrë në kontroll veriun e Kosovës?

Lajme të tjera



×

Lajmi i fundit

Osmani mirëpret thirrjen e ShBA-së ndaj Serbisë për të tërhequr trupat ushtarake rrotull kufirit

Osmani mirëpret thirrjen e ShBA-së ndaj Serbisë për të tërhequr trupat ushtarake rrotull kufirit

29 Shtator, 23:01