POP 5

Lajmet më të lexuara të 5 minutave të fundit

Kronikë

Padia,Gina:Marku të pezullohet
t’i bëhet analizë psiko-ligjore
PDF/Padia e plotë e Dritan Ginës ndaj Arta Markut

Ish-drejtuesi i prokurorisë së Elbasanit, Dritan Gina në padinë e depozituar te Krimet e Rënda kërkon pezullimin nga detyra të Kryeprokurores Arta Marku dhe urdhërimin e kryerjes së ekspertizës psikiatriko-ligjore. VIDEO
TIRANE- Ish-drejtuesi i prokurorisë së Elbasanit, Dritan Gina në padinë e depozituar te Krimet e Rënda kërkon pezullimin nga detyra të Kryeprokurores Arta Marku dhe urdhërimin e kryerjes së ekspertizës psikiatriko-ligjore. Në kallëzim, Gina vlerëson se duhen ndërmarrë këto masa për të penguar vijimin e veprimtarisë antiligjore të kryeprokurores Arta Marku.

“Referuar gravitetit te shpërdorimit te detyres te kryer nga ana e te kallzuares, me dashje direkte dhe me veprime aktive kriminale, duke perdhosur Kushtetuten dhe mosperfillur ligjin, referuar densitetit dhe vazhdimesise se veprimtarise kriminale te saj, te cilat demtojne vete interesat e ligjshme te shtetit, paraprakisht kerkojme qe, menjehere pas rregjistrimit te ketij kallzimi penal, ndaj personit te kallzuar, per shkak te rrezikshmerise se larte shoqerore te saj, te merret masa e sigurimit personal ndaluese, e «Pezullimit te Ushtrimit te detyres publike», te parashikuar nga neni 242 i K.Pr.Penale.

Kerkojme qe, ne perputhje me percaktimet e nenit 44 te K.Pr.Penale, pas rregjistrimit te ketij kallzimi, nga ana e Prokuroreve te çeshtjes te urdherohet kryerja e nje ekspertimi psikiatriko ligjor, me qellim per te verifikuar gjendjen mendore te te kallzuares”, thuhet në padi.

Gjithashtu Gina kërkon edhe dëmshpërblim 100.000 lekë për cenim të personalitetit. “Duke mos patur per qellim pasurimin, ne kurriz te veprimeve kriminale te te kallzuares se paditur, por vetem me qellimin mbrojtjen e reputacionit, personalitetit dhe te vlerave profesionale, kerkojme detyrimin e te paditures qe te demshperbleje paditesin ne masen prej 100.000 leke”. 

Kryeprokurorja e re e shkarkoi nga detyra ditën e djeshme Dritan Ginën, ndërsa ky i fundit e kundërshtoi vendimin, pasi sipas tij nuk është i bazuar në ligj dhe Marku ka kryer shkelje duke e paditur për shpërdorim detyre. Përpos tij kallëzim ka bërë edhe gruaja e Ginës, Rovena Gashi po e shkarkuar nga detyra si drejtuese e Njësisë së Dekriminalizimit në Prokurorinë e Përgjithshme dhe Marrëdhëniet me Jashtë.

Gashi e depozitoi kallëzimin dje, ndërsa bashkëshorti i saj sot në mëngjes. Çifti Gina-Gashi ishin emëruar në pozicionet e mëparshme nga ish-kryeprokurori Adriatik Llalla dhe njiheshin si krahu i djathtë i tij, por pas ardhjes së Markut janë shkarkuar. 

gina per arta markun
padia
Faksimile e padisë së Dritan Ginës ndaj Arta Markut, ku kërkon pezullimin dhe kryerjen e një ekspertize psiko-ligjore​

d.b/shqiptarja.com

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Aksident i trefishtë në aksin Lezhë- Milot, dy makina përplasen me autobusin e nxënësve, s'ka të lënduar

Aksident i trefishtë në aksin Lezhë- Milot, dy makina përplasen me autobusin e nxënësve, s'ka të lënduar

10 Janar, 08:17