Paga e referencës, ish-kooperativa
sa pension përfitohet për vit pune

TIRANE- Të gjithë ata persona që kanë punuar në kooperativa do t’u njihet puna që kanë bërë në bazë të pagës referuese që ka miratuar qeveria. Kjo pagë do të shumëzohet me koeficientin 8.59, në mënyrë që të merret për bazë 1% i kontributit vjetor, ashtu siç parashikon skema e re e pensioneve.

Një person që ka punuar para 1994-s, në bujqësi, paga referuese do të jetë 2.833 lekë. Duke e shumëzuar me koeficientin 8.59, paga kap shifrën e 24 mijë e 300 lekë. Nga kjo shumë për të llogaritur pensionin para 1994-s, do të merret 1% e 24.300, që është 243 lekë. Në rastin konkret për 10 vite punë në bujqësi përfitohet 2.430 lekë të reja, që shkon për llogaritjen e pensionit. Ky koeficient përdoret vetëm për pagat para 1 janarit 1994, pasi më pas koeficientët vijnë duke u ulur për shkak të rritjes së pagave.