Ndryshimet më të fundit të rregullave mbi taksat, të përfshira në Paketën Fiskale 2019, kanë hyrë tashmë në fuqi nga 1 janari. Ndër to, ai çka u intereson më shumë pjesës më të madhe të të punësuarve dhe bizneseve është ndryshimi në rregullat e taksimit të pagave. Kjo, pasi, ndërkohë, me një Vendim të Këshillit të Ministrave, ka ndryshuar në rritje edhe paga minimale. Nga data 1 janar 2019, paga minimale është bërë 26.000 lekë. Deri tani ishte 24.000 lekë në muaj. Por kjo shoqërohet automatikisht edhe me rritjen e pagës maksimale. Kjo rritje ndikon në të ardhurat neto, por edhe në pagesat e sigurimeve shoqërore.
Pagat
Tatimet kanë sqaruar se paga maksimale pёr efekt tё kontributeve shoqёrore indeksohet nё tё njёjtёn kohё dhe nё atё masё qё indeksohet edhe paga minimale nё shkallё vendi. Paga minimale është rritur me rreth 8.3% (nga 24.000 në 26.000 lekë), kjo nënkupton që edhe paga maksimale rritet me rreth 8.3%, duke shkuar në 114.670 lekë, nga 105.850 lekë që ishte më parë, me një rritje prej 8.820 lekësh.
Tatimet sqarojnë se paga bruto mujore, që njihet nga shteti pёr efekt tё llogaritjes sё kontributeve tё sigurimeve shoqёrore, do tё jetё si mё poshtё vijon: Jo mё pak se sa paga minimale mujore, e barabartё me 26.000 lekё dhe deri nё 114.670 lekё, pёr personat e punёsuar. Jo mё pak sesa paga minimale mujore, e barabartё me 26.000 lekё dhe sipas pёrcaktimit tё vetё personit, deri nё 114.670 lekё, pёr personat e vetёpunёsuar. Ajo do të jetë e barabartё me pagёn minimale mujore prej 26.000 lekёsh, pёr punonjёsit e papaguar tё familjes, me tё cilёt i vetёpunёsuari punon dhe bashkёjeton ligjёrisht.
Taksa
Ndërkohë, kufiri i tatimit të pagës (taksimi i Të Ardhurave Personale - TAP) me koeficientin më të lartë – 23 për qind - me ligj të miratuar nga Kuvendi, nga 130.000 lekë në muaj, shtyhet në 150.000 lekë.
Tabela e mëposhtme përllogarit efektet e këtyre ndryshimeve, nën efektin e kombinimit të amendimeve të bëra në ligj, si dhe të VKM-së së re mbi pagën minimale. Për pagat nga 0 - 105.850 lekë (paga e vjetër maksimale), del se nuk ka ndryshim në përllogaritjen që bëhet për efekt taksash. Ato do të taksohen njësoj si më parë. Për pagat nga 105.850 - 130.000 lekë, rezulton se përkeqësohet pozita e punëmarrësit, sepse ai paguan më shumë kontribute dhe merr më pak pagë neto, ndërkohë që përkeqësohet edhe pozita e punëdhënësit, sepse paguan më shumë kontribute.
Për pagat mbi 130.000 lekë, punëmarrësi vazhdon të paguajë krahasimisht më shumë kontribute, por pozita e tij përmirësohet nën efektin e uljes së TAP-it, ndërsa punëdhënësi vazhdon të paguajë krahasimisht më shumë kontribute.
Për t`u mbajtur në konsideratë është detyrimi ligjor për disa kategori, të cilat përllogarisin pagat e tyre nominale kundrejt pagës minimale, si psh. shoqëritë e ruajtjes fizike, të cilat llogarisin pagën e tyre minimale si 1.5 herë pagën minimale kombëtare (ose 39.000 lekë në muaj në këtë rast).
Kontributet
Paga minimale nё shkallё vendi prej 26.000 lekё e lart shёrben edhe pёr llogaritjen dhe pagimin e kontributeve tё detyrueshme tё sigurimit shoqëror dhe shёndetёsor. Kontributi i sigurimeve shoqërore llogaritet dhe paguhet mbi pagën bruto në kufijtë e pagës minimale në shkallë vendi dhe paga maksimale indeksohet në të njëjtën kohë dhe në atë masë që indeksohet paga minimale në shkallë vendi, përfundon njoftimi i tatimeve.
.jpg)
Tabela është përgatitur nga Easy Tax Consult
.jpg)
Tabela është përgatitur nga Easy Tax Consult
.jpg)
Tabela është përgatitur nga Easy Tax Consult
Lajme të tjera
-
Bashkia Lezhë fal tarifën e shërbimeve, përfitues të gjithë ata që do paguajnë taksat e tjera vendore të prapambetura dhe të këtij viti
5 Dhjetor, 09:00
-
Basha zbulon programin në Federatën Globale për Konkurrueshmëri: Taksë e sheshtë 9%, trajnime për 25 mijë të rinj, investime në teknologji dhe Inteligjencën Artificiale
12 Nëntor, 15:20 -
Qeveria me strategji të re/ S’ka më përjashtime nga taksat, mbështetja e bizneseve apo individëve do të bëhet me kompensime e financiare
6 Tetor, 17:58
-
Paketë e re fiskale, ulje tatimi për pagat e të rinjtë deri në 29 vjeç dhe për prindërit me fëmijë nën 18-vjeç! Mete: Mësuesit, me rritjen më të madhe të pagave
12 Prill, 14:43
-
Banka e Shqipërisë: Normat e interesit do të rriten, qeveria të miradministrojë hapësirën fiskale
19 Nëntor 2022, 07:52 -
Profesionistët e lirë do të paguajnë 17 milionë euro më shumë taksa në vit
21 Tetor 2022, 07:23 -
Rishikohet ligji/ Zero tatim për pagat deri në 50 mijë lekë, përfitojnë 58% e të punësuarve në vend
17 Qershor 2022, 14:12
-
Sistemi i taksave i fragmentuar në Shqipëri, raporti i FMN: Po minohet stabiliteti tatimor! Duhet rishikuar, hiqni përjashtimet
19 Shkurt 2022, 16:19
-
Ekonomia e qëndrueshme, koncesionet nuk monitorohen siç duhet
7 Dhjetor 2021, 23:47 -
Paketa Fiskale 2022, Tabaku: Klienteliste dhe anti-biznes! Qeveria po minon dhe shkatërron tregun e lirë
14 Nëntor 2021, 11:49 -
Qeveria do të taksojë qumështin pluhur që importohet! Ministria e Financave: Do paguhet 100 lekë/kg, mbështesim produktin vendas
30 Tetor 2021, 10:56
-
Braçe shpërndan mesazhin e kongresmenes amerikane: Takso të pasurit! Në Amerikë nuk kanë pikën e kompleksit ta thonë dhe ta bëjnë këtë
14 Shtator 2021, 22:35
