Anti-KÇK-ja/ Nishani: Komedi nga frika! SPAK-u ta nisë me Ramën, Meta s'e shpërndan dot parlamentin, i bënë presion për Kushtetuesen

TIRANE-Ish-Presidenti Bujar Nishani i ftuar në emisionin '5 Pyetjet nga Babaramo' deklaroi se Edi Rama është i frikësuar prandaj po tenton të kalojë paketën ligjore Anti-KÇK, që sipas shumicës do të krijohet për të goditur pasuritë e krimit të organizuar, e për rrjedhojë edhe prokurorët e gjyqtarët e korruptuar që teksa presin të "digjen" në vetting, po i bëjnë favoret e fundit eksponentëve të krimit të organizuar. Nishani i bën thirrje SPAK-ut që u ngrit sot, që të nisë punën me hetimin e kryeministrit Edi Rama. 

"Kam parë dicka në media, por nuk kam asnjë kuriozitet, pasi skenari është i qartë i aktit të fundit të komedisë, madje zgjodhi një skenë teatri për ta luajtur. Një komedi që ka krijuar një tragjedi të madhe. Por cdo shqiptar do të pyeste, pse nuk u tregon në përfundim të vitit të shtatë të qeverisjes se cfarë ka bërë për ekonominë, rrogat dhe pensionet? Ai vijon me batuta bajate, para 20 viteve kur sapo kishte hyrë njerëzit tërhiqeshin nga batutat e tij, por tani pas 20 viteve janë konsumuar. Nuk e di kush e ka penguar kryeministrin për të luftuar krimin? Nëse flasim për drejtësinë e korruptuar ne po ndërtojmë drejtësinë e re? Kjo është një polici paralele. Ka një koklavitje të sjellës së kryeministrit, është e qartë se tashmë Rama është i frikësuar shumë se po afrohet ndërrimi i pushtetit. Me gjithë tendencën për të kapur drejtësinë dhe për ta bllokuar jam i bindur se me gjithë këto paudhësi, shpejt do të jetë subjekt i dosjeve të shekullit, në gjykimin tim. Prandaj ka një kaos kaq të madh.

Opozita sipas Edi Ramës është e frikësuar, por nuk ka asnjë gjë në dorë. SPAK-u dhe BKH janë të vonuara prej një viti e gjysmë, se Rama është i terrorizuar. Edi Rama, ky njeri që duhet të jetë subjekti i parë hetimit nga SPAK-u, ka arsye që të jetë i frikësuar prandaj po tenton ta vonojë për të mbivendosur, krijon alogjizma të tillë, i fut edhe këto akronimet qesharakë. Ai po sfidon popullin që mund të bëj teatër i pa shqetësuar. Unë besoj se nuk ka se cfarë të bëjë, pasi cfarë e ka penguar deri sot të luftojë krimin, i ka bërë pjesë të fushatave të tij dhe parlamentit. Edi Rama ka përgjuar me apo pa ligj edhe sot. Janë dy forma përgjimi, me vendim gjykate, që përbëjnë provë, por janë edhe përgjimet parandaluese, me leje nga prokurori i përgjithshëm. Edi Rama ka përgjuar me apo pa ligj. Unë kam qenë president dhe jam përgjuar nga qeveria. Skandali zuri pluhur dhe u zhduk. Unë nuk kam problem që mund të përgjojë njerëzit, por mungesa e motivit për të luftuar krimin" tha ai.

Por si i gjykon Nishani deklaratat e Presidentit për referendumet? Ish-kreu i shtetit mbështet Metën, ndërsa propozon edhe pyetjen për referendumin e parë, që lidhet me vettingun në politikë.  "Prezantimi i rëndësisë që ka referendumi si ushtrimi i të drejtës së vendimmarrjes së drejtpërdrejt nga qytetarët. Sa më shumë të hapej shoqëria drejt referendumit është mirë. Por nuk ka një propozim konkret, duke ngritur cështje në parim.  Referendumi është i pamundur, pasi janë disa klauzola që e vakin, shuajnë mundësinë për t'u shprehur me referendum. Nëse do të ketë mundësi të bëhet një ligj, është një mundësi jashtëzakonisht e mirë. Unë do të dëshiroja që sa më parë shqiptarët të shprehen nëse janë dakord të kemi një vetting për politikën. Referendumi i parë do të duhet të ishte nëse duhet kemi vetting në politikë. Nëse nuk do të kemi një rotacion politik, cilido referendum të kemi...Të gjitha sondazhet kërkojnë një ndryshim. Nuk them cila parti ka shumicën apo pakicën, por shqiptarët kërkojnë ndryshim. Presidenti nuk fton protestë, por ka ftuar për tubim në 8 dhjetor" tha ai.

Por a mund ta shpërndajë Presidenti, parlamentin me një dekret, sikur ka thënë Ilir Meta? Nishani në këtë pikë i del kundër Presidentit. Meta deklaroi pak ditë më parë se me një dekret mund të shpërndajë parlamentin, por Nishani thotë se nuk mund ta bëjë një gjë të tillë në kushtet aktuale dhe se ka vetëm një rast kur mund të ndodhë një gjë e tillë. "Presidenti ka kompetencë të lëshojë dekretin kur në parlament nuk ka shumicë për të miratuar qeverinë. Kjo është e vështirë për ndryshimet e 2008 se nuk mjafton vetëm mocioni i mosbesimit, duhet edhe i besimit. Nëse nuk ka një qeveri të re. Kur rrëzohet qeveria dhe nuk ka mundësi të krijohet tjetër dhe vetëm në këtë rast, me kërkesë të kryeministrit, Presidenti mund të shpërndajë parlamentin. Ky është rasti i vetëm që Presidenti mund të shpërndajë parlamentin" tha ai.

Nishani kishte një këshillë edhe për lidershipin e opozitës, kur tha se beteja me qeverinë duhet të bëhet me votë dhe jo me përplasje civile. "Nuk është e lehtë të jesh në opozitë. Ka vetëm fjalën dhe kontaktin me njerëzit. Ka mundësi për të demonstruar forcën kur shkohet në betejë elektorale, nuk jemi një vend që ta çojmë drejt përplasjes civile dhe pushkëve. Do të shkojmë drejt një ballafaqimi elektoral dhe opozita po shkon drejt këtij procesi duke qenë në komunikim për sfidat ka me qytetarët. Kjo është rruga e vetme. Nëse dikush mendon se duhet të përplaset me dhunë apo forcë mbetet për t'u diskutuar" përfundoi ai. Kryetari i Këshillit Kombëtar të PD-së, zbuloi bisedën që pati me Presidentin pak ditë më parë dhe shqetësimet që kishte Meta lidhur me ngërçin në Kushtetuese. "Na informoi mbi shqetësimet që kishte, për komunikimet që kishte pasur, na shprehu shqetësimet për disa çështje që e kishin vendosur në presion të paprecedent, që nuk i ka bërë publike. Ishin të karakterit për kompromentuar dhe për të korruptuar presidentin me aktet e tij institucione" tha ai.

VIDEO/EMISIONI

TAG:
• edi rama
• Ilir Meta
• spak
• Bujar Nishani
• anti kck