Rreth 7 miliardë euro është parashikuar buxheti i vitit që vjen, ose rreth 300 milionë euro më shumë se ky vit.
Në projektbuxhetin e depozituar në Kuvend është parashikuar që të ardhurat të arrijnë në vlerën prej 6.6 miliardë euro, ndërkohë që deficiti parashikohet të jetë 606 milionë euro.
Ministria e Financave thotë se me këtë projektbuxhet mbështeten sektorët prioritarë si arsimi, shëndetësia, mbrojtja sociale, bujqësia, energjia si dhe infrastruktura. Në total investimet për vitin që vjen kapin shifrën e 1.2 miliardë euro.
Po ashtu në draft është specifikuar që për vitin që vjen do të jepen 77 milionë euro për bonusin e pensioneve dhe për indeksimin e pensioneve.
Ndërsa janë parashikuar 110 milionë euro që do të shkojnë për reformën e pagave që parashikon rritjen e rrogave për punonjësit e sistemit shëndetësor, arsimorë, punonjësit me grada dhe nëpunësit e administratës publike. Kjo rritje do të nisë nga 1 korriku i vitit 2024, ndërsa rritja tjetër kësaj kategorie iu bë në prill të këtij viti.
Për të vijuar me programin e rindërtimit janë parashikuar fonde në vlerën 70 milionë euro, nga 170 milionë euro që u parashikuan për rindërtimin për vitin 2023.
Shpenzime në vlerën 50 milionë euro janë caktuar për kompensimin e ish-pronarëve, reformë e cila është ende shumë larg mbylljes. Sa i takon borxhit publik për vitin e ardhshëm do të jetë në vlerën e 14. 3 miliardë eurove, pothuajse në të njëjtën vlerë si viti aktual dhe nuk parashikohet dalje në tregjet ndërkombëtare për të marrë një borxh të ri.
(Kliko këtu për të lexuar dokumentin e plotë)
Në projektbuxhetin e depozituar në Kuvend është parashikuar për vitin që vjen është parashikuar mbështetje financiare për projekte ekzistuese dhe të reja. Më poshtë sjellim një listë të projekteve që do të financohen.
INFRASTRUKTURA DHE ENERGJIA
Prioritetet 2024-2026
- Zgjerimi i rrjetit të rrugëve kombëtare nëpërmjet, ndërtimit, rehabilitimit dhe sistemimit të rrugëve kombëtare dhe përveç kësaj kalimin në praktikat e mirëmbajtjes së rrugëve bazuar në performancë;
- Zgjerimi i aksesit dhe cilësisë së shërbimit të ujit të pijshëm dhe kanalizimeve përmes: (i) një portofoli të investimeve publike; dhe (ii) përmirësimit rrënjësor të menaxhimit të shoqërive aksionere të ujësjellës kanalizimeve, duke standartizuar parimet e qeverisjes së sektorit;
- Rritja e efiçencës së energjisë kundrejt konsumit të përgjithshëm final të energjisë nëpërmjet shqyrtimit të programeve për promovimin e tregut, për penetrimin e teknologjive të përparuara si dhe rritjen e përdorimit të energjive të rinovueshme;
Rezultatet që synohet të arrihen për periudhën afatmesme 2024-2026
Programi “Transporti Rrugor”
- Për tre vitet e ardhshme, kontratat koncesionare që do të mbështeten me fonde nga buxheti i shtetit janë:
- Kontrata e Koncesionit për ndërtimin e Rrugës së Arbrit;
- Kontrata e Koncesionit për ndërtimin e Rrugës Milot – Morinë;
- Kontrata e Koncesionit për ndërtimin e Rruges Orikum – Dukat, By Pass-Porti i Jahteve;
- Projektet kryesore për periudhën afatmesme janë sa vijon:
- Ndërtim Tuneli i Llogarasë;
- Porti Detar i Durrësit “Porto Romano”
- Hekurudha Tiranë-Rinas dhe Linja Tiranë-Durrës;
- Zgjerimi i aksit Elbasan-Qafë Thanë;
- 3532 km rrugë të mirëmbajtura sipas standardeve në vitet 2024-2026 në të gjithë territorin;
Programi “Ujësjellës Kanalizime”
- Reduktimi i humbjeve në rrjet në nivel kombëtar në masën 57% në vitin 2026 nga 63% që parashikohet në vitin 2023;
- Orët mesatare të furnizimit me ujë të pijshëm synohet të rritet në 19 orë/dite në vitin 2026 nga 16 orë/ditë në vitin 2023;
- Orët e furnizimit me ujë në zonat bregdetare synohet të arrihet në 21 orë/ditë në vitin 2026 nga 18 orë/ditë në vitin 2023;
- Mbulimi me shërbim furnizimi me ujë të pijshëm zonë Urbane në 95.5% në vitin 2026 nga 94% në vitin 2023;
- Mbulimi me shërbim furnizimi me ujë të pijshëm zonë Rurale 67% në vitin 2026 nga 60% në vitin 2023;
- Mbulimi me kanalizime në zonat Urbane në 85% në vitin 2026 nga 83.5% në vitin 2023;
- Mbulimi me kanalizime në zonat Rurale 18% në vitin 2026 nga 13.5% në vitin 2023;
- Sasia e ujit të faturuar synohet të arrihet në 120 litër/ frymë/ditë në vitin 2026;
- Mbulimi me shërbimin e ITUN (kanalizime+gropa septike) synohet të arrihet në nivelin 18% në vitin 2026 nga 15.5% në vitin 2023;
- Përqindja e mbulimit të kostove të Ujësjellës-Kanalizimeve me të ardhurat synohet të arrihet në vlerën 75% në vitin 2026 nga 64% në vitin 2023;
Programi “Mbështetje për Energjinë”
- Rritjen e përdorimit të Energjive të Rinovueshme nga 40% në vitin 2024 në 41% në vitin 2025;
- Rritja e eficencës së energjisë nga 7% në vitin 2024 në 7.5% në vitin 2025;
- Reduktim i mëtejshëm i humbjeve të energjisë elektrike në 20% në vitet 2024-2025;
- Rritja e prodhimit vendas së energjisë elektrike me 70% për vitet 2024-2025;
- Rritja e përdorimit të biokarburanteve në sektorin e transportit me 10% për vitet 2024-2025;
Programi “Mbështetje për Rrjetet e Komunikacionit”
- Rritjen e zhvillimit të infrastrukturës broadband në Republikën e Shqipërisë në 55% në vitin 2025 nga 44% që parashikohet në vitin 2024;
- Rritja e penetrimit broadband në nivel Republike të Shqipërisë në 65% në vitin 2025 nga 45% që parashikohet në vitin 2024.
Programi “Transporti Ajror”
-Rritjen e standarteve dhe performancës së Organit Kombëtar të incidenteve /Aksidenteve ajrore nëpërmjet investimeve për forcimin e kapaciteteve;
-Numri i investigime të kryera lidhur me parandalimin e incidenteve dhe aksidenteve ajrore parashikohen 6 investigime për çdo vit; · Integrimi i aviacionit civil shqiptar në sistemet evropiane të transportit ajror, ku synohet përafrimi i legjislacionit 100% në vitin 2026;
Programi “Transporti Detar”
-Rritja e nivelit të investimeve dhe kapaciteteve përpunuese të porteve në masën 35% për vitet 2024-2025;
- Financimi i projektit të ri “Ndërtimi i Portit të ri tregtar Porto Romano Durrës” përgjatë 2024- 2026;
Programi “Transporti Hekurudhor”
- Rehabilitimi i linjës hekurudhore Durrës - Terminali pasagjerëve Tiranë dhe ndërtimi i linjës hekurudhore Tiranë – Rinas;
-Zgjatim i rrjetit hekurudhor kombëtar në qendrën e kryeqytetit të Shqipërisë, Tiranë (Projekti i zgjatimit të linjës hekurudhore terminali i transportit publik - stacioni i trenit Tiranë si zgjatim i linjës hekurudhore Durrës – Tiranë) Programi “Mbështetje për Burimet Natyrore”
-Synohet nxitja e rritjes së sektorit përmes promovimit dhe inkurajimit të zbulimit të burimeve të reja potenciale mineralmbajtëse, nëpërmjet kompanive vendase e të huaja, të vogla dhe të mesme;
- Rritja e lejeve minerare aktive në të cilat zhvillohet aktivitet minerar konform standarteve në 595 leje në vitin 2026 nga 580 leje në vitin 2023;
-Studime mbi burimeve hidrologjike dhe minerare të pashfrytëzuara dhe parandalimin e rreziqeve gjeologo - mjedisore nëpërmjet monitorimit në 25 studime në vitin 2026;
-Përmirësimi i transparencës së biznesit në industrinë nxjerrëse, në mënyrë që të ardhurat nga ky biznes të kontribuojnë më shumë në zhvillimin e vendit.
Programi “Mbështetje për Industrinë”
-Rritja e nivelit të sigurisë së shfrytëzimit, mirëmbajtjes dhe përdorimit të produkteve/ pajisjeve / instalimeve;
- Rritja e standardeve të produkteve dhe sigurisë së pajisjeve / instalimeve me 20% për vitet 2024- 2026;
- Reduktimi i rrezikut nga kimikatet e rrezikshme në 15% në vitin 2026. · Rritja e numrit të mostrave të analizuara të naftës dhe nënprodukteve të saj, të prodhuara në vend dhe të importuara në masën 14 500 në vitin 2026;
-Rritja e standardeve të naftës dhe nënprodukteve të saj nëpërmjet përdorimit të aparaturave specifike testuese;
Programi “Planifikimi Urban”
-Zhvillimi i qëndrueshëm dhe i balancuar i territorit, duke zbutur pabarazinë rajonale, për garantimin e ekuilibrit midis interesave publike dhe private, në zhvillimin e territorit;
-Hartimin e rregullave dhe standardeve të projektimit në disa fusha si dhe përafrimit të legjislacionit me standarddet e BE-së;
Në projektbuxhetin e vitit të ardhshëm janë parashikuar 14,2 miliardë lekë vetëm për 11 kontrata koncesionare, nga rreth 13 miliardë lekë që ishin pagesat e bëra në vitin e kaluar. Në relacion është sqaruar se nuk ka më pagesa për koncesionin e inceneratorit të Elbasanit dhe atë të të Fierit, duke i konsideruar jo-aktive.
Pjesën më të madhe të pagesave do ta marrë koncesioni i Ndërtimit dhe Operimi të Rrugës së Arbrit me mbi 3.5 miliardë lekë. Ofrimi i Shërbimeve laboratorike spitalore do të marrë nga buxheti i shtetit pagesa me vlerë 1.79 miliardë lekë.
Më pas është Koncesioni/PPP (Ofrimi i setit të personalizuar të instrumenteve kirurgjikale, material mjekësor steril një përdorimesh në sallat kirurgjikale, trajtimi i mbetjeve biologjike dhe dezinfektimi i sallave kirurgjikale), pagesat për këtë kontratë do të jenë 1.75 miliardë lekë. Ndjekur nga koncesioni Shërbimi i Skanimit në Dogana 1.6 miliardë lekë.
Për kontratën koncesionare për Ndërtimin e Landfillit, inceneratorit dhe rehabilitimit të vend depozitimeve ekzistuese Tiranë dhe prodhimin e energjisë elektrike pagesat do të jenë në vlerën mbi 1.2 miliardë lekë.
Koncesionin e dializës do të marrë 920 milionë lekë, më pas vjen koncesioni/PPP i kontrollit baze i popullsisë 35-70 vjeç (check up) do të marrë pagesa në vlerën 876 milionë lekë.
Për koncesionin e përmirësimit të infrastrukturës arsimore në Bashkinë Tiranë janë planifikuar pagesa 745 milionë lekë.
Në fund është kontrata për Ndërtimin dhe Operimi i Porti Jahteve Orikum – Dukat 976 mln lekë dhe ndërtimi, Operimi dhe Mirëmbajtja e Rrugës Milot-Morinë 738 mln lekë.
Koncensionet/PPP aktive me mbështetje financiare nga buxheti i shtetit
Komente
Lajme të tjera
-
Akti Normativ/ Punonjësit me paga të ulta në administratë do marrin shpërblim! Qeveria i jep kredi Albcontrol, shkurton fondet për institucionet
21 Dhjetor, 14:34
-
Qeveria rishikon për herë të tretë buxhetin 2024/ Familjet me ndihmë ekonomike 150 euro për festa! Në pranverën e ardhshme pensionistët marrin 50 – 100 euro
20 Dhjetor, 16:58
-
Mblidhet Këshilli i Ministrave, miraton ndryshimet në buxhet! Miratohet fondi për voton e diasporës e bonusi i pranverës për pensionistët
19 Dhjetor, 21:42 -
Miratohet pr.ligji/ Njihet çdo ditë pune para ‘93 edhe nëse s’është e dokumentuar! Përfitojnë rreth 29 mijë persona që punuan në kooperativë e ish-ndërmarrjet shtetërore
19 Dhjetor, 08:51 -
Përfitojnë 177 mijë pensionistë në Tiranë/ Nis aplikimi i të moshuarve për abone falas
18 Dhjetor, 17:49 -
Fatos Çoçoli: Viti i pagave dhe pensioneve
18 Dhjetor, 13:49
-
Protestoi te ‘Infrastruktura’ se nuk i jepnin fondin e rindërtimit, 62-vjeçares i premtohet zgjidhje pas denoncimit në Report Tv! Natën e kaloi para Ministrisë
18 Dhjetor, 08:50 -
Profesionet e Lira, Tabaku te Ekonomia: Akti Normativ i vonuar, t'u falen gjobat e kamatat
16 Dhjetor, 14:43 -
Profesionet e lira, Ministria e Financave te ‘Ligjet’: Rimbursimi brenda 30 dhjetorit! Çupi: Dështimi i radhës
16 Dhjetor, 14:42 -
Berisha me grupet e punës në Lezhë për zgjedhjet 2025: Çmime janë trefishuar dhe kanë tejkaluar Gjermaninë e Italinë, shpopullimi i vendit në 40%
11 Dhjetor, 16:05 -
Shpërblimi i pranverës sa i këtij fundviti? Vendimi merret këtë muaj, do jetë mbi 5 mijë lekë
11 Dhjetor, 15:32
-
Pensionistët protestë te Kryeministria, kërkojnë përcaktimin e minimumit jetik dhe rritjen e pensioneve
11 Dhjetor, 11:19
pak jane investime publike,,,5 miliard. ne vit duhen...
Përgjigju