PAKISTAN - Një mantel i verdhë ka mbuluar fushat e disa fshatarave të Pakistanit, duke shënuar kështu dhe ardhjen e pranverës. “Mustarda” është një bimë barishtore e cila arrin gjatësi afro 1 metër me shumë degë sidomos në majë, me gjethe të thjeshta të ndryshme, lule të verdha, kurse fara e tij ka formë të rrumbukllakët dhe të vogël. Kjo bimë ndahet në tre lloje, mustarda bojë kafe, e zezë si dhe e verdhë.

Për banorët e këtyre fshatërave lulet e mustardës sjellin një gëzim pasi japin një panoramë të mrekullueshme natyrore dhe një efekt që të mbush me frymëmarrje.

Kjo bimë aromatike është gjithashtu edhe subjekt i shumë poezive romantike në letërsinë pakistaneze. Por kjo bimë e cila është një nga erëzat më të përdorua në gatime të ndyshme ka shumë përmbajtje mjekësore.

Ajo është përdorur për qëllime mjekësore për më shumë se 3000 vjet nga kinezët dhe përhapur më vonë në Evropë dhe në vende të tjera të botës.

Grekët me shekuj të tërë kanë përdorur gjerësisht mustardën për karakteristikat e saj mjekësore, disa prej të cilat vazhdojnë të prodhohen sot, is për kurimin e gripit dhe sëmundjeve të mushkërive apo dhimbjeve të artikulacioneve.

Në Indi dhe Danimarkë, shumë njerëz që i besojnë bestytnive dhe mbajnë fara të lules mustardë për të larguar të keqen, ndërsa në kontinentin indian vaji i saj përdoret në llambat në tempujt dhe vendet e shenjta.

(l.ç/ad.ti/shqiptarja.com)